തൃശൂര്:ചേലക്കര ഉപതെരഞ്ഞെടുപ്പിനോടനുബന്ധിച്ച് നവംബര് 13 ന് ചേലക്കര നിയോജകമണ്ഡലത്തിലെ എല്ലാ സര്ക്കാര്, അര്ദ്ധസര്ക്കാര്, സ്വകാര്യ സ്ഥാപനങ്ങള്ക്കും അവധി പ്രഖ്യാപിച്ചു. ബാങ്കുകള്ക്കും വിദ്യാഭ്യാസ സ്ഥാപനങ്ങള്ക്കും പൊതുമേഖലാ സ്ഥാപനങ്ങള്ക്കും അവധിയാണ്. വേതനത്തോടുകൂടിയുള്ള പൊതുഅവധിയാണ്.
നവംബര് 13 നാണ് വോട്ടെടുപ്പ്. വോട്ടെടുപ്പ് സാമഗ്രികളുടെ സ്വീകരണവിതരണ കേന്ദ്രമായി നിശ്ചയിച്ചിട്ടുള്ള ഗവ. ഹയര് സെക്കണ്ടറി സ്കൂള് ചെറുതുരുത്തി, ചേലക്കര നിയമസഭാമണ്ഡലത്തിലെ പോളിംഗ് സ്റ്റേഷനുകളായി വിജ്ഞാപനം ചെയ്തിട്ടുള്ള വിദ്യാഭ്യാസ സ്ഥാപനങ്ങള്, സര്ക്കാര്, അര്ദ്ധ സര്ക്കാര്, സ്വകാര്യ സ്ഥാപനങ്ങള്ക്കും വോട്ടെടുപ്പിന്റെ തലേ ദിവസമായ നവംബര് 12 നും അവധിയായിരിക്കും. ജില്ലാ തെരഞ്ഞെടുപ്പ് ഉദ്യോഗസ്ഥന്കൂടിയായ ജില്ലാ കളക്ടര് ഇത് സംബന്ധിച്ച് ഉത്തരവിറക്കി.
അതേസമയം മണ്ഡലത്തില് പ്രചാരണം ശക്തമായി തുടരുകയാണ്. കെ ബാലകൃഷ്ണനാണ് ഇവിടെ ബി ജെ പി സ്ഥാനാര്ത്ഥി.
