അമ്രേലി ; ഗുജറാത്തിലെ അമ്രേലി ജില്ലയിൽ വീണ്ടും സിംഹത്തിന്റെ ആക്രമണം . ഏഴു വയസുകാരിയെയാണ് കടിച്ചു കൊലപ്പെടുത്തിയത് . 15 ദിവസത്തിനിടെ രണ്ടാമത്തെ ആക്രമണമാണിത് . ജനങ്ങളെ ജാഫ്രാബാദിലെ ഖൽസ കാന്താരിയ ഗ്രാമത്തിൽ നിന്നാണ് 7 വയസ്സുള്ള പെൺകുട്ടിയെ കടിച്ചെടുത്തത് . സംഭവത്തിന് ശേഷം 4 മണിക്കൂർ നീണ്ട പ്രയത്നത്തിനൊടുവിൽ സിംഹത്തെ കൂട്ടിൽ അടച്ചു. രണ്ടാഴ്ച്ച മുമ്പ് ജാഫ്രാബാദിലെ ജികാദ്രി ഗ്രാമത്തിൽ നിന്ന് 5 വയസ്സുള്ള കുട്ടിയെയും സിംഹം കൊണ്ടു പോയിരുന്നു.
ഏഴു വയസുകാരി കീർത്തനയുടെ ശരീരഭാഗങ്ങൾ മാത്രമാണ് ഇന്ന് തെരച്ചിൽ നടത്തിയവർക്ക് കണ്ടെത്താനായത് .ഗ്രാമവാസികൾ വിവരമറിയിച്ചയുടൻ വനം വകുപ്പ് പ്രത്യേക സംഘങ്ങൾ രൂപീകരിച്ച് സിംഹത്തിനായി തെരച്ചിൽ നടത്തുകയായിരുന്നു . 4 മണിക്കൂർ നീണ്ട പരിശ്രമത്തിനൊടുവിൽ സിംഹത്തെ കുറ്റിക്കാട്ടിൽ ഒളിച്ച നിലയിലാണ് കണ്ടെത്തിയത് . 3 മൃഗഡോക്ടർമാരുടെ നേതൃത്വത്തിൽ പ്രത്യേക സംഘവുമെത്തിയിരുന്നു .
