ന്യൂഡല്ഹി : ആർ എസ് എസിനെയും, അനുബന്ധ സംഘടനകളെയും വിദ്വേഷ സംഘടനയായി പ്രഖ്യാപിക്കണമെന്ന് കനേഡിയൻ പ്രധാനമന്ത്രി ജസ്റ്റിന് ട്രൂഡോവിന് കത്ത്. ദക്ഷിണേഷ്യയില് നിന്നുള്ള തീവ്ര ഇസ്ലാമിസ്റ്റ് – ഇടതു പക്ഷ സംഘടനകളുടെ പ്രതിനിധികളാണ് കത്തെഴുതിയിരിക്കുന്നത്. വിമത സിഖ് നേതാവ് ഹര്ദീപ് സിങ് നിജ്ജറിന്റെ കൊലപാതകവുമായി ബന്ധപ്പെട്ട് ഇന്ത്യയും കാനഡയും തമ്മിലുള്ള നയതന്ത്രബന്ധം മോശമായിരിക്കുന്ന സമയത്താണ് പുതിയ സംഭവം.
ഹിന്ദുസ് ഫോര് ഹ്യൂമന് റൈറ്റ്സ്, കനേഡിയന് കൗണ്സില് ഓഫ് ഇന്ത്യന് മുസ്ലിംസ് (സിസിഐഎം), കനേഡിയന് കൗണ്സില് ഓഫ് മുസ്ലിം വുമണ്, കനേഡിയന് ഫോറം ഫോര് ഹ്യൂമന് റൈറ്റ്സ് ആന്ഡ് ഡെമോക്രസി ഇന് ഇന്ത്യ, കനേഡിയന്സ് എഗെയ്ന്സ്റ്റ് ഒപ്രഷന് ആന്ഡ് ടോര്ച്ചര്, കനേഡിയന്സ് ഫോര് ഹ്യൂമന് റൈറ്റ്സ്, കനേഡിയന് ഫോറം തുടങ്ങിയവരാണ് പ്രസ്താവനയില് ഒപ്പുവച്ചിരിക്കുന്നത്.
നാഷണല് കൗണ്സില് ഓഫ് കനേഡിയന് മുസ്ലീംസിന്റെ റിപ്പോര്ട്ടിന്റെ അടിസ്ഥാനത്തിലാണ് കത്ത്. ഹിന്ദു ദേശീയത പ്രോത്സാഹിപ്പിക്കുന്ന അര്ദ്ധസൈനിക സംഘടനയായ ആര്എസ്എസിന്റെ രാഷ്ട്രീയ വിഭാഗമാണ് ബിജെപിയെന്നും കത്തിൽ പറയുന്നു .ഇന്ത്യയെ ഹിന്ദു വംശീയ രാഷ്ട്രമാക്കുകയാണ് ആർ എസ് എസിന്റെ ലക്ഷ്യമെന്നും അതിനാൽ ട്രൂഡോ എത്രയും വേഗം ആർ എസ് എസ് അനുബന്ധ സംഘടനകളെയടക്കം വിദ്വേഷ സംഘടനയായി പ്രഖ്യാപിക്കണമെന്നാണ് ആവശ്യം .
