കാസര്ഗോഡ്: നീലേശ്വരത്ത് കളിയാട്ടത്തിനിടെ വെടിക്കെട്ട് അപകടത്തില് പൊളളലേറ്റ് ചികിത്സയിലായിരുന്ന ഒരാള് കൂടി മരിച്ചു. ചെറുവത്തൂര് സ്വദേശി ഷിബിന് രാജ് ആണ് മരിച്ചത്. കോഴിക്കോട് സ്വകാര്യ ആശുപത്രിയില് ചികിത്സയിലായിരുന്നു. ഇതോടെ വെടിക്കെട്ടപകടത്തില് മരണം നാലായി . നേരത്തേ കോഴിക്കോട് സ്വകാര്യ ആശുപത്രിയില് ചികിത്സയിലായിരുന്ന കരിന്തളം കൊല്ലമ്പാറ സ്വദേശി കെ. ബിജു (38) മരിച്ചിരുന്നു..
ഞായറാഴ്ച രാത്രിയാണ് ഷിബിന് രാജും ബിജുവും മരിച്ചത്.
മരിച്ച ബിജു ഡ്രൈവറാണ് . ഞായറാഴ്ച രാവിലെ ഗുരുതര പരിക്കേറ്റ് ചികിത്സയിലായിരുന്ന ചോയ്യംകോട് സലൂണ് നടത്തുന്ന കിണാവൂര് സ്വദേശി രതീഷ് (32) മരിച്ചിരുന്നു.അറുപത് ശതമാനത്തില് അധികം പൊള്ളലേറ്റ് കോഴിക്കോട് സ്വകാര്യ ആശുപത്രിയില് ചികിത്സയിലായിരുന്നു .
പൊള്ളലേറ്റ് ചികിത്സയിലായിരുന്ന കിണാവൂര് സ്വദേശി സന്ദീപ് ശനിയാഴ്ച മരിച്ചിരുന്നു.
