തൃശൂര്: തൃശൂര് പൂരത്തിനുണ്ടാകുന്ന ജൈവമാലിന്യങ്ങള് ദേവസ്വങ്ങള് സ്വയം സംസ്കരിക്കണമെന്ന നിര്ദേശവുമായി ജില്ലാ കളക്ടര് അര്ജുന് പാണ്ഡ്യന്. മാലിന്യം സംസ്കരിക്കുന്നതുമായി ബന്ധപ്പെട്ട് തിരുവമ്പാടി, പാറമേക്കാവ് ദേവസ്വങ്ങള്ക്ക് കളക്ടര് കത്ത് നല്കി. കൊച്ചിന് ദേവസ്വം ബോര്ഡിന്റെ നിലപാട് അംഗീകരിച്ചാണ് ജില്ലാ ഭരണകൂടം ദേവസ്വം ബോര്ഡിന് നിര്ദേശം നല്കിയിരിക്കുന്നത്.
കൊച്ചിന് ദേവസ്വം ബോര്ഡിന്റെ ഉടമസ്ഥതയിലുള്ള പള്ളിത്താമം മൈതാനത്തില് ഇനി മാലിന്യ സംസ്കരിക്കാന് കഴിയില്ലെന്ന് കളക്ടര് വ്യക്തമാക്കി. ഇതിനെതിരെ പ്രതിഷേധവുമായി ഇരു ദേവസ്വങ്ങളും രംഗത്തെത്തിയിട്ടുണ്ട്. തിരുവമ്പാടിയും പാറമേക്കാവും മാത്രമല്ല, കൊച്ചിന് ദേവസ്വം ബോര്ഡിന് കീഴിലുള്ള എട്ട് ഘടക പൂരങ്ങളും ചേര്ന്നാണ് തൃശൂര് പൂരം നടത്തുന്നതെന്നും അതിനാല് കളക്ടറുടെ ഉത്തരവ് അംഗീകരിക്കില്ലെന്നും തിരുവമ്പാടി ദേവസ്വം അറിയിച്ചു.
