ഇടുക്കി: ആറ് മാസത്തെ ഇടവേളയ്‌ക്ക് ശേഷം പടയപ്പ വീണ്ടും ജനവാസമേഖലയില്‍. മറയൂരിന് സമീപമുള്ള തലയാര്‍ മേഖലയിലാണ് പടയപ്പ എന്ന കാട്ടാന വീണ്ടും എത്തിയത്. തലയാറില്‍ തോട്ടം തൊഴിലാളികള്‍ താമസിക്കുന്ന ലയങ്ങളില്‍ കയറിയിറങ്ങി രാത്രി മുഴുവനും ഭീകരാന്തരീക്ഷം സൃഷ്ടിച്ച ശേഷം ഓട്ടോറിക്ഷ തകര്‍ക്കുകയും ചെയ്തു. സംഭവത്തിന് പിന്നാലെ തലയാറിലെ തോട്ടം തൊഴിലാളികള്‍ക്ക് ഉറക്കമില്ലാത്ത രാത്രിയായിരിക്കുകയാണ്.
മൂന്നാര്‍, മാട്ടുപ്പെട്ടി മേഖലയിലാണ് പടയപ്പയെ കൂടുതലും കണ്ടുവന്നിരുന്നത്. ഇതിനിടയിലാണ് പടയപ്പ വീണ്ടും തലയാര്‍ തോട്ടം മേഖലയിലെത്തുകയും മണിക്കൂറുകളോളം തൊഴിലാളികള്‍ താമസിക്കുന്ന ലയങ്ങളില്‍ ഇറങ്ങി നടക്കുകയും ഓട്ടോറിക്ഷ തകര്‍ക്കുകയും ചെയ്തിരിക്കുന്നത്. പകല്‍ സമയത്ത് തേയിലത്തോട്ടത്തിലേയ്‌ക്ക് ജോലിയ്‌ക്ക് പോകാന്‍ പോലും ഭയപ്പെടേണ്ട സാഹചര്യമാണെന്ന് തോട്ടം തൊഴിലാളികള്‍ പറയുന്നു.
പ്രതികരിക്കാൻ ഇവിടെ എഴുതുക: