തിരുവനന്തപുരം: പാങ്ങോട് മൈലമൂട് വനത്തില് മനുഷ്യന്റെ അസ്ഥികൂടം കണ്ടെത്തി. വിറക് ശേഖരിക്കാനെത്തിയ സ്ത്രീകളാണ് അസ്ഥികൂടം കണ്ടത്.
കഴിഞ്ഞ സെപ്തംബറില് കാണാതായ ഭരതന്നൂര് സ്വദേശിയുടേതാണ് അസ്ഥികൂടം എന്നാണ് സംശയം. ഡി.എന്.എ പരിശോധന ഉള്പ്പെടെ നടത്തിയ ശേഷമേ ഇത് സംബന്ധിച്ച് സ്ഥിരീകരണത്തിലെത്താന് കഴിയുവെന്ന് പൊലീസ് അറിയിച്ചു.
ഭരതന്നൂര് സ്വദേശിയെ കാണാതാകുമ്പോള് ധരിച്ചിരുന്ന വസ്ത്രങ്ങളും ഫോണും അസ്ഥികൂടത്തിന് സമീപം കണ്ടെത്തി. ഇതുസംബന്ധിച്ച പരാതിയില് പൊലീസ് അന്വേഷണം നടന്നു വരവെയാണ് അസ്ഥികൂടം കണ്ടെത്തിയത്.
