കൊച്ചി: മുന്മുഖ്യമന്ത്രിയും സിപിഎം സൈദ്ധാന്തികനുമായിരുന്ന ഇ എം ശങ്കരന് നമ്പൂതിരിപ്പാട് അബ്ദുള് നാസര് മദനിയെ ഗാന്ധിജിയോട് ഉപമിച്ചത് മറന്നു പോകരുതെന്ന് പിഡിപി .
മുസ്ലിം ചെറുപ്പക്കാരില് തീവ്രവാദ ചിന്ത വളര്ത്തുന്നതില് മദനിക്ക് പങ്കുണ്ടെന്ന് സിപിഎം സംസ്ഥാന സമിതി അംഗം പി ജയരാജന് തന്റെ പുസ്തകത്തില് പരാമര്ശിച്ചത് അന്ധന് ആനയെ കണ്ടത് പോലെയാണെന്ന് പിഡിപി സംസ്ഥാന ജനറല് സെക്രട്ടറിമാരായ മുഹമ്മദ് റജീബ് , മജീദ് ചേര്പ്പ്, മുജീബ് റഹ്മാന് എന്നിവര് പറഞ്ഞു.
1993 ലെ ഒറ്റപ്പാലം ലോക്സഭ തെരഞ്ഞെടുപ്പില് എല്ഡിഎഫ് സ്ഥാനാര്ത്ഥിക്ക് എസ് ശിവരാമനുവേണ്ടി അബ്ദുള് നാസര് മദനി തെരഞ്ഞെടുപ്പ് പര്യടനം നടത്തിയിരുന്നു. ഇഎംഎസ് മദനിയെ ഗാന്ധിജിയോട് ആണ് ഉപമിച്ചത്. ഇതൊക്കെയും പുസ്തകത്തില് കുറിക്കാന് മറന്നു പോയത് എന്തുകൊണ്ടാണ്. അദ്ദേഹം എല്ഡിഎഫിന് വേണ്ടി പ്രചാരണം നടത്തിയ കാലഘട്ടത്തില് ആയുധശേഖരം കണ്ടെത്തിയതിനോ ആയുധ പരിശീലനം നടത്തിയതിനോ കേരളത്തില് ഒരിടത്തും മദനിയുടെ പേരില് ഇടതുപക്ഷ സര്ക്കാര് കേസെടുക്കുകയോ തെളിയിക്കുകയോ ചെയ്തിട്ടില്ല.
ഈ സാഹചര്യത്തില് അനവസരത്തിലെ ഈ ആരോപണം അവജ്ഞയോടെ തള്ളുന്നു എന്നാണ് പിഡിപി നേതാക്കള് പറയുന്നത്.
