പത്തനംതിട്ട: പമ്പാനദിയില് ഒഴുക്കില്പ്പെട്ട് കാണാതായ ശബരിമല തീര്ഥാടകന്റെ മൃതദേഹം കണ്ടെത്തി. തിരുവനന്തപുരം കഴക്കൂട്ടം സ്വദേശി ആഷിലിന്റെ (22) മൃതദേഹമാണ് കണ്ടെത്തിയത്.
ഞായറാഴ്ച രാവിലെയാണ് സംഭവം. ശബരിമല ദര്ശനം കഴിഞ്ഞ് മടങ്ങിയ ഒന്പതംഗ സംഘം റാന്നി മാടമണ് ക്ഷേത്രക്കടവിന് സമീപം പമ്പയില് ഇറങ്ങി കുളിക്കുന്നതിനിടെയാണ് യുവാവ് ഒഴുക്കില് പെട്ടത്. കാല് വഴുതി വെള്ളത്തില് വീണ ആഷിലിനെ ഒഴുക്കില്പ്പെട്ട് കാണാതാകുകയായിരുന്നു.
പൊലീസും അഗ്നിശമനസേനയും ചേര്ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. മൃതദേഹം പോസ്റ്റ്മോര്ട്ടത്തിനായി പത്തനംതിട്ട മെഡിക്കല് കോളജില്.
