ബ്രജ് (ഉത്തര്‍പ്രദേശ്): ആര്‍എസ്എസ് അഖില ഭാരതീയ കാര്യകാരി മണ്ഡല്‍ ബൈഠക് 25, 26 തീയതികളില്‍ ഉത്തര്‍പ്രദേശിലെ മഥുരയ്‌ക്കടുത്ത് പര്‍ഖം ഗ്രാമത്തില്‍ ചേരും.
സര്‍സംഘചാലക് ഡോ. മോഹന്‍ ഭാഗവത്, സര്‍കാര്യവാഹ് ദത്താത്രേയ ഹൊസബാളെ എന്നിവര്‍ മാര്‍ഗദര്‍ശനം നല്കും. 46 പ്രാന്തങ്ങളില്‍ നിന്നുള്ള പ്രതിനിധികള്‍ പങ്കെടുക്കും. സഹ സര്‍കാര്യവാഹുമാര്‍, കാര്യ വിഭാഗുകളുടെ പ്രമുഖന്മാര്‍, ക്ഷേത്രീയ, പ്രാന്തീയ സംഘചാലകന്മാര്‍, പ്രചാരകന്മാര്‍, കാര്യവാഹുമാര്‍, വിവിധ ക്ഷേത്ര സംഘടനകളുടെ സംഘടനാ കാര്യദര്‍ശിമാര്‍ എന്നിവരാണ് രണ്ട് ദിവസത്തെ ബൈഠക്കില്‍ പങ്കെടുക്കുന്നത്.
വിജയദശമി ദിനത്തില്‍ സര്‍സംഘചാലക് അവതരിപ്പിക്കുന്ന ആശയങ്ങളും സമകാലിക വിഷയങ്ങളും ചര്‍ച്ച ചെയ്യും. തുടര്‍ പരിപാടികളുടെ ആസൂത്രണവും യോഗത്തില്‍ ഉണ്ടാകുമെന്ന് അഖില ഭാരതീയ പ്രചാര്‍ പ്രമുഖ് സുനില്‍ ആംബേക്കര്‍ പത്രക്കുറിപ്പില്‍ പറഞ്ഞു.
2024 മാര്‍ച്ചില്‍ നടന്ന പ്രതിനിധി സഭയില്‍ വച്ച വാര്‍ഷിക കാര്യപദ്ധതിയുടെ അവലോകനവും പ്രവര്‍ത്തനവികാസവും ചര്‍ച്ച ചെയ്യും. സംഘ ശതാബ്ദിയോടനുബന്ധിച്ചുള്ള സംഘടനാ ലക്ഷ്യങ്ങള്‍ പൂര്‍ത്തീകരിക്കുന്നത് സംബന്ധിച്ച് യോഗത്തില്‍ ചെയ്യുമെന്ന് അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: