മുംബൈ: ടാറ്റ സണ്‍സ് മുന്‍ ചെയര്‍മാന്‍ രത്തന്‍ ടാറ്റ ആശുപത്രിയില്‍. രക്തസമ്മര്‍ദ്ദം കുറഞ്ഞതിനെ തുടര്‍ന്ന് ഇന്നലെ പുലര്‍ച്ചെയോടെ രത്തന്‍ ടാറ്റയെ മുംബൈയിലെ ബ്രീച്ച് കാന്‍ഡി ആശുപത്രിയില്‍ പ്രവേശിപ്പിക്കുകയായിരുന്നു.
എന്നാല്‍ ആരോഗ്യസ്ഥിതിയില്‍ ആശങ്കപ്പെടേണ്ടതില്ലെന്ന് രത്തന്‍ ടാറ്റ തന്നെ അറിയിച്ചു. തന്നെക്കുറിച്ച് ചിന്തിക്കുന്നതില്‍ എല്ലാവര്‍ക്കും നന്ദി. പ്രായധിക്യത്തെ തുടര്‍ന്നുള്ള ആരോഗ്യ പ്രശ്‌നങ്ങളാണുള്ളത്. അതിന്റെ ചികിത്സയിലാണെങ്കിലും സുഖമായിരിക്കുന്നു. ഇതുമായി ബന്ധപ്പെട്ട് തെറ്റായ വിവരങ്ങള്‍ പ്രചരിപ്പിക്കരുതെന്നും അദ്ദേഹം എക്‌സില്‍ കുറിച്ചു. രത്തന്‍ ടാറ്റയെ ഗുരുതരാവസ്ഥയില്‍ ആശുപത്രിയില്‍ ചികിത്സയിലാണെന്ന വിധത്തിലാണ് വാര്‍ത്തകള്‍ പ്രചരിച്ചത്.
പ്രതികരിക്കാൻ ഇവിടെ എഴുതുക: