തിരുവനന്തപുരം: മൃഗശാലയില്‍ നിന്നും ചാടിപ്പോയ മൂന്നാമത്തെ ഹനുമാന്‍ കുരങ്ങിനെയും കൂട്ടിലാക്കി. കെ എസ് ഇ ബിയുടെ സഹായത്താലാണ് മരത്തിനുമുകളില്‍ നിന്ന് കുരങ്ങിനെ പിടികൂടിയത്. നേരത്തേ ചാടിപ്പോയ രണ്ട് കുരങ്ങുകള്‍ ഭക്ഷണം എടുക്കാന്‍ തിരികെ കൂട്ടില്‍ എത്തിയപ്പോഴാണ് പിടികൂടിയത്. ഭക്ഷണവും ഇണയെയും കാട്ടി ആകര്‍ഷിച്ചാണ് രണ്ട് പെണ്‍കുരങ്ങുകളെയും കൂട്ടില്‍ കയറ്റിയത്.
മൂന്നാമത്തെ പെണ്‍കുരങ്ങിനെ നിരീക്ഷിക്കാന്‍ നാല് ജീവനക്കാരെയും അധികൃതര്‍ നിയോഗിച്ചിരുന്നു.
രണ്ട് ദിവസം മുമ്പാണ് മൃഗശാലയില്‍ നിന്നും മൂന്ന് പെണ്‍ ഹനുമാന്‍ കുരങ്ങുകള്‍ ചാടിപ്പോയത്. ഇവയ്‌ക്കൊപ്പമുണ്ടായിരുന്ന ആണ്‍കുരങ്ങ് കൂട്ടില്‍ തന്നെയുണ്ടായിരുന്നു.
മൃഗശാല വളപ്പിലെ മരത്തിനു മുകളിലാണ് ഇവ ഉണ്ടായിരുന്നത്. മാസങ്ങള്‍ക്കു മുന്‍പ് മൃഗശാല അധികൃതരെ വട്ടം ചുറ്റിച്ച് ചാടിപ്പോയ ഹനുമാന്‍ കുരങ്ങും ഇത്തവണ ചാടിപ്പോയ മൂന്ന് ഹനുമാന്‍കുരങ്ങളുടെ കൂട്ടത്തിലുണ്ടായിരുന്നു
പ്രതികരിക്കാൻ ഇവിടെ എഴുതുക: