ന്യൂദല്ഹി: കാനഡയിലെ ഇന്ത്യക്കാരെ ചുറ്റും കണ്ട് ഭയമാകുന്നു എന്ന് പറയുന്ന ചൈനക്കാരിയുടെ വീഡിയോ വൈറല്. പക്ഷെ ഈ ചൈനക്കാരിയുടെ വീഡിയോയ്ക്ക് കടുത്ത വിമര്ശനമാണ് ഇന്ത്യക്കാര് സമൂഹമാധ്യമങ്ങളില് നല്കിയത്.
ചൈനക്കാരിയുടെ ഈ വീഡിയോ 29 ലക്ഷം പേര് കണ്ടു. ‘ഐ ആം എസ് യു ആര് നോ’ എന്ന ട്വിറ്റര് അക്കൗണ്ട് വഴിയാണ് യുവതി ഈ വീഡിയോ പങ്കുവെച്ചത്. ഡ്രൈവിംഗ് ലൈസന്സ് ടെസ്റ്റെടുക്കാന് പോയതാണ് ഈ ചൈനക്കാരി. ടെസ്റ്റിന് വന്നവരില് ഭൂരിഭാഗവും ഇന്ത്യക്കാരായിപ്പോയതാണ് ചൈനക്കാരിക്ക് പ്രശ്നമായത്. “ഇത് ഭയങ്കരമാണ്. എനിക്ക് ചുറ്റും നിറയെ കാനഡയിലെ ഇന്ത്യക്കാരുണ്ട്”- ഇതായിരുന്നു ഇന്ത്യക്കാരെ കണ്ട് ചൈനക്കാരി നടത്തിയ പ്രതികരണം.
A Chinese woman is shocked by the amount of Indians in Canada.
Canada is becoming less Canadian by the day. Everyone is noticing it. pic.twitter.com/dyXIGFrwcO
— iamyesyouareno (@iamyesyouareno) September 25, 2024
വീഡിയോയില് ചൈനീസ് യുവതിയുടെ ഇരുവശത്തും ഇരിക്കുന്നവരില് ഭൂരിഭാഗവും ഇന്ത്യക്കാരായിരുന്നു. അതില് ധാരാളമായി സിഖുകാരെയും കാണാം.
ചൈനക്കാരിയുടെ ഈ വീഡിയോയ്ക്ക് ഏകദേശം 3000ല് അധികം പ്രതികരണങ്ങള് എത്തി. അതില് അധികവും ഇന്ത്യക്കാരുടെ കോപം നിറഞ്ഞ പ്രതികരണമാണ്. കാനഡയിലെ ഈ ചൈനീസ് യുവതിയും കുടിയേറ്റക്കാരിയാണെന്ന് മറക്കരുത് എന്നാണ് ഒരാള് കുറിച്ചത്.
“കുറച്ച് വർഷങ്ങൾക്ക് മുമ്പ് ഞാൻ വാൻകൂവറില് പോയപ്പോള് അവിടെ ജനസംഖ്യയുടെ 40% ചൈനീസ് കുടിയേറ്റക്കാരാണ്”- കുടിയേറ്റത്തില് ചൈനക്കാരും മോശമല്ല എന്ന രീതിയിലായിരുന്നു മറ്റൊരു ഇന്ത്യക്കാരന് പ്രതികരിച്ചത്. “വിദേശികളുടെ എണ്ണം കണ്ട് ഞെട്ടിയ ഒരു വിദേശി,” എന്നായിരുന്നു മറ്റൊരാള് ചൈനക്കാരി കളിയാക്കി കുറിച്ചത്.
