മലപ്പുറം:വനം വകുപ്പ് ഉദ്യോഗസ്ഥനെതിരെ മന്ത്രി എ.കെ.ശശീന്ദ്രന്, സ്പീക്കര് എ.എന്.ഷംസീര്, ചീഫ് സെക്രട്ടറി ശാരദാ മുരളീധരന് എന്നിവര്ക്ക് പരാതി നല്കി പി.വി.അന്വര് എംഎല്എ. രാജേഷ് എന്ന ഉദ്യോഗസ്ഥനെതിരെയാണ് എംഎല്എയുടെ പരാതി.
നിലമ്പൂരില് വനംവകുപ്പിന്റെ പരിപാടിയില് പങ്കെടുത്ത് പുറത്തിറങ്ങിയപ്പോള് അന്വര് വനം വകുപ്പ് ഉദ്യോഗസ്ഥനുമായി തര്ക്കിച്ചിരുന്നു.
അന്വറിന്റെ വാഹനം മാറ്റിയിടാന് െ്രെഡവറോട് വനംവകുപ്പ് ഉദ്യോഗസ്ഥര് ആവശ്യപ്പെട്ടതിനെ തുടര്ന്നാണ് തര്ക്കമുണ്ടായത്. ആദ്യം ഒരു സ്ഥലത്ത് വാഹനം പാര്ക്ക് ചെയ്തപ്പോള് മാറ്റിയിടണമെന്ന് ആവശ്യപ്പെട്ടു.വീണ്ടും മാറ്റിയിട്ടപ്പോള് അവിടെ നിന്നും മാറ്റിയിടാന് പറഞ്ഞുവെന്നാണ് ആരോപണം. അന്വര് പരിപാടി കഴിഞ്ഞ് എത്തിയപ്പോള് ഇക്കാര്യം ഡ്രൈവര് അറിയിക്കുകയായിരുന്നു.
തുടര്ന്ന് വണ്ടി മാറ്റിയിടാന് പറഞ്ഞ ഉദ്യോഗസ്ഥന് ആരാണെന്ന് ചോദിച്ച് ഓഫീസിലേക്ക് അന്വര് എത്തി. എന്നാല് ഉദ്യോഗസ്ഥന് അവിടെ ഇല്ലെന്ന് റേഞ്ച് ഓഫീസര് അറിയിക്കുകയായിരുന്നു. തുടര്ന്നാണ് റേഞ്ച് ഓഫീസറോട് അന്വര് കയര്ത്തത്.
തന്നോടുള്ള വിരോധം മൂലമാണ് ഉദ്യോഗസ്ഥന്റെ ഭാഗത്തുനിന്ന് ഇത്തരമൊരു നീക്കമുണ്ടായതെന്നാണ് പി.വി. അന്വര് ആരോപിക്കുന്നത്. വൈകുന്നേരം ഗസ്റ്റ് ഹൗസില് വന്ന് കാണണമെന്ന് അന്വര് ആവശ്യപ്പെട്ടെങ്കിലും വനം ഉദേ്യാഗസ്ഥന് തയാറായില്ല.
