ബിജെപിയുടെ മെമ്പർഷിപ്പ് കാമ്പയിൻ ; ത്രിപുരയിൽ നാല് ലക്ഷം പേർ അംഗത്വമെടുത്തതായി മുഖ്യമന്ത്രി മണിക് സാഹ

അഗർത്തല: ത്രിപുരയിൽ നാല് ലക്ഷം പേർ ബിജെപിയിൽ പുതിയതായി അംഗത്വമെടുത്തതായി മുഖ്യമന്ത്രി മണിക് സാഹ. ബിജെപി മെമ്പർഷിപ്പ് കാമ്പയിനിൽ പങ്കെടുക്കുന്നതിന് സംസ്ഥാനത്തെ ജനങ്ങളെ അദ്ദേഹം അഭിനന്ദിക്കുകയും ദൗത്യത്തിന്റെ ഭാഗമാകാൻ അവരെ കൂടുതൽ പ്രോത്സാഹിപ്പിക്കുകയും ചെയ്തു.

സെപ്റ്റംബർ 20-ന് കേന്ദ്ര തുറമുഖ, ഷിപ്പിംഗ് മന്ത്രി സർബന്ദ സോനോവാളാണ് ത്രിപുരയുടെ പ്രധാന ഇടങ്ങളായ ധേമാജി, ലഖിംപൂർ ജില്ലകളിലെ ബിജെപിയുടെ മെമ്പർഷിപ്പ് കാമ്പയിന് ആക്കം കൂട്ടിയത്. അദ്ദേഹം അവിടെ ഒന്നിലധികം യോഗങ്ങളെ അഭിസംബോധന ചെയ്തു.

അദ്ദേഹത്തിന്റെ നേതൃത്വത്തിൽ പകൽ മുഴുവൻ നീണ്ടുനിന്ന പ്രചാരണത്തിൽ നൂറുകണക്കിന് ആളുകൾ പാർട്ടിയിൽ ചേർന്നതോടെ ജനങ്ങൾ അനുകൂലമായി പ്രതികരിച്ചിരുന്നു. ബിജെപി മെമ്പർഷിപ്പ് കാമ്പയിൻ നമുക്കെല്ലാവർക്കും ആഘോഷത്തിന്റെ നിമിഷമാണെന്ന് സോനോവാൾ പറഞ്ഞു.

പുതിയ ഭാരതം കെട്ടിപ്പടുക്കാനുള്ള ഈ യാത്രയിൽ എല്ലാവരെയും ഒപ്പം  കൊണ്ടുപോകണമെന്നും അദ്ദേഹം കൂട്ടിച്ചേർത്തു.