തിരുവനന്തപുരം: കാവാലം സംസ്കൃതിയുടെ മൂന്നാമത് അവനവന്കടമ്പ പുരസ്കാരം മോഹിനിയാട്ടം നര്ത്തകിയും അഭിനേത്രിയുമായ മേതില് ദേവികയ്ക്ക് സമ്മാനിക്കും.
കാവാലം നാരായണപ്പണിക്കരുടെ സ്മരണയ്ക്കായി ഏര്പ്പെടുത്തിയിരിക്കുന്ന പുരസ്കാരം 28ന് വൈകിട്ട് അഞ്ചിന് വെള്ളയമ്പലത്തുള്ള വിസ്മയമാക്സ് അങ്കണത്തിലുള്ള തുറന്ന വേദിയില് ചലച്ചിത്രകാരന് അടൂര് ഗോപാലകൃഷ്ണന് ദേവികയ്ക്ക് സമര്പ്പിക്കും. ആകാശവാണി മുന് ഡയറക്ടര് എസ്. രാധാകൃഷ്ണന് നര്ത്തകിമാരായ റിഗാറ്റ ഗിരിജ, സിതാരാ ബാലകൃഷ്ണന് എന്നിവരടങ്ങുന്ന ജൂറിയാണ് ദേവികയെ പുരസ്കാരത്തിനായി തെരഞ്ഞെടുത്തത്.
