നടന്‍ കൃഷ്ണകുമാറിന്റെ മകള്‍ ദിയ കൃഷ്ണയും അശ്വിനും തമ്മിലുള്ള വിവാഹം കഴിഞ്ഞിട്ട് ദിവസങ്ങളായെങ്കിലും വിശേഷങ്ങള്‍ തുടരുകയാണ്. സോഷ്യല്‍ മീഡിയയില്‍ വിശേഷങ്ങള്‍ പങ്കുവയ്‌ക്കുന്ന ദിയയുടെ പുതിയ വിശേഷങ്ങളില്‍ ഞെട്ടിയിരിക്കുകയാണ് ആരാധകര്‍.
ദിയ പങ്കുവെച്ച പുതിയ വിശേഷം ഇതിനോടകം വൈറലായി കഴിഞ്ഞിരിക്കുകയാണ്.
ദിയ കൃഷ്ണയ്‌ക്കും അശ്വിനും ഡല്‍ഹിയില്‍ വെച്ച്‌ വിവാഹ റിസപ്ഷന്‍ നടത്തി. ബിജെപിയുടെ ഡല്‍ഹിയിലെ കേന്ദ്ര നേതാക്കള്‍ക്കു വേണ്ടിയാണ് കൃഷ്ണകുമാര്‍ പ്രത്യേക വിവാഹ റിസപ്ഷന്‍ സംഘടിപ്പിച്ചത്. പ്രതിരോധ മന്ത്രി രാജ്നാഥ് സിങിനൊപ്പമുള്ള ചിത്രം ദിയ പങ്കുവച്ചിട്ടുണ്ട്.
ഡിന്നര്‍ റിസപ്ഷന്‍ അറ്റ് ഡല്‍ഹി എന്ന ക്യാപ്ഷനോടെ ഒരു റീല്‍ വിഡിയോ ദിയ പോസ്റ്റ് ചെയ്തിരുന്നു. വിഡിയോയില്‍ ദിയ കൃഷ്ണ, ഭര്‍ത്താവ് അശ്വിന്‍ ഗണേഷ് എന്നിവര്‍ക്കൊപ്പം കൃഷ്ണകുമാറും ഭാര്യ സിന്ധുവും ഉണ്ട്.
ഡല്‍ഹിയിലെ റിസപക്ഷനെക്കുറിച്ച് പറഞ്ഞുള്ള ദിയയുടെ വീഡിയോയും ഇതിനകം തന്നെ വൈറലായിക്കഴിഞ്ഞിട്ടുണ്ട്.
നമ്മള്‍ പോലും പ്രതീക്ഷിക്കാത്തൊരു യാത്രയാണ് ഇത്. അച്ഛനും അച്ഛന്റെ ഫ്രണ്ട്‌സുമൊക്കെയായി ചെറിയൊരു ഡിന്നര്‍ പാര്‍ട്ടി. ഞങ്ങളുടെ റിസപക്ഷന്‍ എന്ന് വേണമെങ്കില്‍ പറയാം. കല്യാണം കഴിഞ്ഞുള്ള ആദ്യത്തെ ഫ്‌ളൈറ്റ് ട്രിപ്പാണ് ഇത്. ഡല്‍ഹിയിലെത്തിയ അശ്വിനെയും ദിയയെയും സ്വീകരിക്കാന്‍ കൃഷ്ണകുമാറും സിന്ധുവും എത്തിയിരുന്നു. ഡല്‍ഹിയില്‍ എത്തിയതിന് ശേഷമുള്ള കാര്യങ്ങളും വീഡിയോയിലുണ്ടായിരുന്നു.
ക്യാമറ സ്റ്റാന്‍ഡ് എടുക്കാന്‍ വിട്ടുപോയതിനാല്‍ ടാപ്പിനോട് ചേര്‍ത്ത് വെക്കുകയായിരുന്നു ഫോണ്‍. പല്ല് തേക്കണമെന്ന് പറഞ്ഞ് അശ്വിന്‍ വന്നപ്പോള്‍ ഓടിച്ച് വിടുകയായിരുന്നു ദിയ. ഭര്‍ത്താവായിക്കഴിഞ്ഞതിന് ശേഷം എന്ത് തോന്നുന്നുവെന്ന് ചോദിച്ചപ്പോള്‍ എന്ത് പറയാനാണെന്നായിരുന്നു അശ്വിന്റെ ചോദ്യം.
ഡിഫന്‍സ് മിനിസ്റ്ററെ കണ്ടപ്പോള്‍ അശ്വിന്‍ ആകെ വിറയ്‌ക്കുകയായിരുന്നു. രാജ്നാഥ് സിംഗ്, ടിവിയിലൊക്കെയല്ലേ നമ്മള്‍ കണ്ടിട്ടുള്ളൂ. ഇത് ആദ്യമല്ലേ നേരില്‍ കാണുന്നതെന്നായിരുന്നു അശ്വിന്റെ ചോദ്യം. തിരുവനന്തപുരത്തേക്ക് വരുമ്പോള്‍ നിങ്ങള്‍ എന്നെ കാണാന്‍ വരണമെന്ന് അദ്ദേഹം പറഞ്ഞിട്ടുണ്ട്. ഞങ്ങളോട് അദ്ദേഹം ഒത്തിരി കാര്യങ്ങള്‍ സംസാരിച്ചുവെന്നും ഇരുവരും പറഞ്ഞിരുന്നു. ഇവിടുന്ന് നമുക്കൊരുപാട് ബൊക്കൈകള്‍ കിട്ടി. എല്ലാം നല്ലതാണെങ്കിലും അവിടെ തന്നെ ഇട്ടിട്ട് പോരേണ്ട അവസ്ഥയായിരുന്നുവെന്നും ദിയയും അശ്വിനും വ്യക്തമാക്കിയിരുന്നു. ചിലത് അമ്മയും അശ്വിനും എടുക്കുന്നത് കണ്ടോയെന്ന് പറഞ്ഞ് ദിയ വീഡിയോയിലൂടെ കാണിച്ചിരുന്നു.
പ്രതികരിക്കാൻ ഇവിടെ എഴുതുക: