തൃശൂര്‍: ആലപ്പുഴയിലും തൃശൂരിലും മിഠായികളില്‍ കഞ്ചാവിന്റെ സാന്നിധ്യം. കുട്ടികളെ വശത്താക്കാന്‍ കഞ്ചാവ് ചേര്‍ത്ത മിഠായികള്‍ വ്യാപകമായി വിതരണം ചെയ്യുന്നുണ്ടെന്ന് എക്‌സൈസിന്റെ കണ്ടെത്തല്‍. ജില്ലകളില്‍ നടത്തിയ പരിശോധനയില്‍ കഞ്ചാവ് വില്‍പ്പനക്കാരില്‍ നിന്നും പിടികൂഠിയ മിഠായികള്‍ പരിശോധിച്ചപ്പോഴാണ് ഞെട്ടിക്കുന്ന വിവരം പുറത്തായത്.
ആലപ്പുഴയിലും തൃശൂരിലും കഞ്ചാവ് വില്‍പ്പനക്കാരില്‍ നിന്നും അടുത്തിടെ എക്‌സൈസ് സംശയകരമായി മിഠായികള്‍ പിടിച്ചെടുത്തിരുന്നു. സംശയം തോന്നി ഏക്‌സൈസ് സംഘം മിഠായികള്‍ പരിശോധനക്കയച്ചു. ഒടുവില്‍ പിടികൂടിയ മിഠായികളില്‍ കഞ്ചാവിന്റെ സാന്നിധ്യം സ്ഥിരീകരിച്ച്് പരിശോധനാ ഫലം പുറത്തു വന്നു. വിദ്യാലയങ്ങള്‍ കേന്ദ്രീകരിച്ചാണ് കഞ്ചാവ് മാഫിയ പുതിയ പരീക്ഷണത്തിനിറങ്ങുന്നതെന്നും മാതാപിതാക്കളും അധ്യാപകരും ജാഗ്രത പാലിക്കണമെന്നും എക്‌സൈസ് ഡിപ്പാര്‍ട്ട്‌മെന്റ് മുന്നറിപ്പ് നല്‍കി.
സംശയകരമായി കുട്ടികളുടെ കയ്യില്‍ ഇത്തരത്തില്‍ എന്തെങ്കിലും കണ്ടെത്തിയാല്‍ ഉടനെ വിവരം അറിയിക്കണമെന്നും എക്‌സൈസ് അറിയിത്തു. എക്‌സൈസ് കണ്‍ട്രോള്‍ റൂം നമ്പറുകള്‍: 9447178000, 9061178000
പ്രതികരിക്കാൻ ഇവിടെ എഴുതുക: