ന്യൂദല്ഹി: റിപ്പബ്ലിക് ടിവിയുടെ അര്ണാബ് കഴിഞ്ഞ ദിവസം തന്റെ ഷോയില് പറഞ്ഞത് ശരിയായി വരികയാണ്. യുഎസിലെ ചാരസംഘടനയായ സിഐഎയ്ക്ക് ഇന്ത്യയിലെ മോദി ഭരണം അട്ടിമറിക്കാന് താല്പര്യമുണ്ടെന്നും ആ പദ്ധതിയുടെ സെമിഫൈനലാണ് ബംഗ്ലാദേശിലെ കലാപത്തില് കണ്ടതെന്നാണ് അര്ണാബ് ഗോസ്വാമി തന്റെ ടിവി ഷോയില് പറഞ്ഞത്.
അതായത് സിഐഎ അതിന്റെ ഫൈനല് ഇന്ത്യയില് നടപ്പാക്കാനാണ് ഗൂഢകരുനീക്കങ്ങള് നടത്തുന്നതെന്നും അര്ണാബ് ഗോസ്വാമി ആരോപിക്കുന്നു. എന്തായാലും ആ വലിയ കലാപത്തിന് ഇന്ത്യയെ പാകപ്പെടുത്താനുള്ള ശ്രമങ്ങളാണ് മൂന്ന് ദിവസത്തെ യുഎസ് സന്ദര്ശന പദ്ധതിയിലൂടെ രാഹുല് ഗാന്ധി നടപ്പാക്കുന്നതെന്ന് തോന്നുന്നു. കാരണം ഇന്ത്യയില് സാമൂഹ്യ കലാപം വിതയ്ക്കാന്, അല്ലെങ്കില് അതിലേക്ക് ഇന്ത്യയെ നയിക്കുന്നതിന് ഉതകുന്ന നെരിപ്പോടുകളാണ് രാഹുല് ഈ യുഎസ് യാത്രയില് തയ്യാറാക്കുന്നത്.
അതില് ഒന്ന് ഖലിസ്ഥാന് വാദികളെ തൃപ്തിപ്പെടുത്താവുന്ന പ്രസ്താവന നടത്തി എന്നതാണ്. ഇന്ത്യയില് സിഖുകാര്ക്ക് തലപ്പാവ് ധരിയ്ക്കുന്നതിനോ ഗുരുദ്വാരകളില് പോകുന്നതിനോ കയ്യില് സ്റ്റീല് വള ധരിയ്ക്കുന്നതിനോ വിലക്കുകളുള്ളതായി എവിടെയും റിപ്പോര്ട്ട് ചെയ്തിട്ടില്ല സത്യം അതായിരിക്കെ, സിഖുകാര് ഇതിനെല്ലാം ഏറെ പ്രയാസപ്പെടുന്നു എന്ന രീതിയില് ഉള്ള ഒരു പ്രസ്താവനയാണ് രാഹുല് ഗാന്ധി നടത്തിയത്. കാനഡയിലെയും യുഎസിലെയും സിഖ്സ് ഫോര് ജസ്റ്റിസ് എന്ന ഖലിസ്ഥാന് സംഘടനയുടെ നേതാവ് ഗുര്പത് വന്ത് സിങ്ങ് പന്നുന് രാഹുലിന്റെ ഈ പ്രസ്താവനയ്ക്ക് പരസ്യമായി പിന്തുണ പ്രഖ്യാപിക്കുകയും ചെയ്തു. ഖലിസ്ഥാന് വാദികള്ക്ക് ആഹ്ളാദം പകരുന്ന പ്രസ്താവനയായിരുന്നു രാഹുല് ഗാന്ധി നടത്തിയത്. കാരണം ഖലിസ്ഥാന് വാദികള് ഇന്നത്തെ ഇന്ത്യയില് തൃപ്തരല്ല. അവര്ക്ക് പുതിയൊരു രാജ്യം തന്നെ ഇന്ത്യയെ വെട്ടിമുറിച്ച് നേടേണ്ടതുണ്ട്.
രാഹുല് ഗാന്ധിയുടെ മറ്റൊരു പ്രസ്താവന ഇന്ത്യയില് ജാതിക്കലാപം വിതയ്ക്കാന് ഉതകുന്ന ഒന്നാണ്. ഇന്ത്യ ഒരു മെച്ചപ്പെട്ട രാജ്യമായാല് മാത്രമേ ജാതി സംവരണം കോണ്ഗ്രസ് നിര്ത്തൂ എന്നും ഇപ്പോള് ഇന്ത്യ മെച്ചപ്പെട്ട ആ രാജ്യമായി മാറിയിട്ടില്ലെന്നും ആയിരുന്നു രാഹുല് ഗാന്ധി യുഎസില് നടത്തിയ പ്രസ്താവന. വാഷിംഗ്ടണില് വിദേശ ഇന്ത്യക്കാരെ അഭിസംബോധന ചെയ്യവേ ആയിരുന്നു ജാതിക്കലാപം കൊതിക്കുന്ന രാഹുല് ഗാന്ധിയുടെ വാക്കുകള് പുറത്തുവന്നത്. ജാതി സംവരണം 50 ശതമാനത്തിന് മുകളിലേക്ക് ഉയര്ത്തണമെന്ന അഭിപ്രായമാണ് തനിക്കുള്ളതെന്നും രാഹുല് തുറന്നടിച്ചിരുന്നു. ഇതുവഴി ഹിന്ദു മതത്തിലെ കുറെപ്പേര്ക്കിടയില് അസ്വസ്ഥത പരത്തി അവരെ മോദി സര്ക്കാരിന് എതിരെ തിരിക്കുക എന്നതാണ് രാഹുല് ഗാന്ധിയുടെ തന്ത്രം. കാരണം മുസ്ലിം, ക്രിസ്ത്യന് ന്യൂനപക്ഷങ്ങള് തങ്ങളുടെ കൂടെ വിശ്വസ്തരായി ഉണ്ടെന്നാണ് രാഹുല് പുലര്ത്തുന്ന വിശ്വാസം.
മറ്റൊന്ന് മോദി സര്ക്കാര് ഇന്ത്യയുടെ ഭാഗമെന്ന് കരുതുന്ന പാകിസ്ഥാന് അധിനിവേശ കശ്മീരിനെ പാകിസ്ഥാന്റെ ഭാഗമാണെന്ന് വാദിക്കുന്ന യുഎസിലെ ഡമോക്രാറ്റിക് പാര്ട്ടിയുടെ യുഎസ് കോണ്ഗ്രസ് അംഗമായ, ആഫ്രിക്കന് രാജ്യമായ സൊമാലിയയില് നിന്നും അമേരിക്കയിലേക്ക് കുടിയേറി വന്ന ഇല്ഹാന് ഒമറിനെ രാഹുല് ഗാന്ധി യുഎസില് വെച്ച് കണ്ടതാണ് മറ്റൊരു പ്രശ്നം. കശ്മീരില് തെരഞ്ഞെടുപ്പ് നടക്കുന്ന ഈ നാളുകളില് തന്നെ പാകിസ്ഥാന്റെ പ്രതിനിധിപോലെ പ്രവര്ത്തിക്കുന്ന, പാകിസ്ഥാന് പിന്തുണയോടെ ഇന്ത്യയെ കടന്നാക്രമിക്കുന്ന ഇല്ഹാന് ഒമറുമായി രാഹുല് കൂടിക്കാഴ്ച നടത്തിയത്. യുഎസ് പാര്ലമെന്റിനെ അഭിസംബോധന ചെയ്ത് മോദി പ്രസംഗിച്ചപ്പോള് ആ പ്രസംഗം ബഹിഷ്കരിച്ചയാളാണ് ജോ ബൈഡന്റെ പാര്ട്ടിയിലെ അംഗമായ ഇല്ഹാന് ഒമര്. അവരുടെ മകളെ ഇസ്രയേല് വിരുദ്ധ സമരത്തിന്റെ പേരില് യുഎസിലെ കോളെജില് നിന്നും പുറത്താക്കിയിട്ടുള്ളതാണ്. ട്രംപിന്റെ പാര്ട്ടിയായ റിപ്പബ്ലിക് പാര്ട്ടി ഇല്ഹാന് ഒമറിന്റെ ഇസ്രയേല് വിരുദ്ധ നിലപാടില് പ്രതിഷേധിച്ച് യുഎസ് കോണ്ഗ്രസിന്റെ വിദേശകാര്യ സമിതിയില് നിന്നും ഇല്ഹാന് ഒമറിനെ പുറത്താക്കിയിരുന്നു.
അതായത് രാഹുല് ഗാന്ധി ഇന്ത്യയില് കലാപത്തിന്റെ സാധ്യതകള് മുഴുവന് തുറന്നിടുകയായിരുന്നു. കശ്മീര്, പഞ്ചാബിലെ ഖലിസ്ഥാന് വാദികള്, ബീഹാര്, രാജസ്ഥാന്, ഉത്തര്പ്രദേശ് തുടങ്ങി ഹിന്ദി ബെല്റ്റിലാകെ പണ്ടത്തെ മണ്ഡല് കമ്മീഷന്റെ കാലത്തുണ്ടായ അതേ കലാപം കുത്തിപ്പൊക്കാവുന്ന സാഹചര്യം ജാതി സംവരണ അജണ്ടയിലൂടെ നടപ്പാക്കല്……ഇതൊക്കെയാണ് രാഹുല് ഗാന്ധിയുടെ പദ്ധതികള്. അതെ, അര്ണാബ് ഗോസ്വാമി പറഞ്ഞതാണ് ശരി. രാഹുല് ഗാന്ധി തന്നെയാണ് ബംഗ്ലാദേശില് നടന്ന സെമിഫൈനലിന്റെ ഫൈനല് ഇന്ത്യയില് നടപ്പാക്കാന് സിഐഎ കണ്ടുപിടിച്ച നേതാവ്. പക്ഷെ അത് എത്രത്തോളം പ്രായോഗികമാണെന്ന് കണ്ടറിയാം.
