പട്‌ന: വിവിധ മതങ്ങളിൽ നിന്നുള്ള ആളുകൾ സമാധാനത്തോടെ ജീവിക്കുന്നുവെന്ന് ഉറപ്പാക്കാൻ ആള്‍ക്കുട്ടക്കൊല പാടില്ലന്ന് മുതിര്‍ന്ന് ആര്‍എസ്എസ് പ്രചാരകന്‍. പശുക്കളേയും കൊല്ലരുത്.. ജാതി എന്നത് നമുക്ക് ആഗ്രഹിക്കാനാവാത്ത ഒരു യാഥാർത്ഥ്യമാണ്. എന്നാൽ ജാതീയതയുടെ വിഷം അകറ്റിനിർത്താൻ നാം ശ്രദ്ധിക്കണം. ഇന്ദ്രേഷ് പറഞ്ഞു.
നിരവധി മതങ്ങൾ ഭാരതത്തിൽ ഉണ്ട്. എന്നാൽ മതഭ്രാന്തിനും അത് നയിക്കുന്ന അക്രമത്തിനും എതിരെ നമ്മൾ ജാഗ്രത പുലർത്തണം. എല്ലാവരോടും ആദരവോടെ ആളുകൾ അവരുടെ സ്വന്തം പാത പിന്തുടരണമെന്നും അദ്ദേഹം വ്യക്തമാക്കി.
രാജ്യത്തിന്റെയും ലോകത്തിന്റെയും പല ഭാഗങ്ങളിലും ആളുകൾ മാംസം കഴിക്കുന്നു. പശുക്കളോട് ആളുകൾ സെൻസിറ്റീവ് ആണെന്ന് തിരിച്ചറിയണം. പശുവിനെ കൊല്ലുകയോ മനുഷ്യനെ കൊല്ലുകയോ ചെയ്യാത്ത ഒരു അന്തരീക്ഷം സൃഷ്ടിക്കാൻ നാം ശ്രമിക്കണം. നാനാത്വത്തിൽ ഏകത്വം നാം ആഘോഷിക്കണമെന്നും അദ്ദേഹം പറഞ്ഞു.
ബീഹാർ ചാപ്റ്റർ ഗണേശ ചതുർത്ഥിയിൽ ‘പഞ്ച് ധാം’ എന്ന ഒരു പരിപാടി ആരംഭിച്ചതായി അദ്ദേഹം പറഞ്ഞു. അത് അടുത്ത വർഷം മഹാ ശിവരാത്രിയിൽ സമാപിക്കും. കലാപങ്ങളിൽ നിന്നും ജാതി അടിസ്ഥാനത്തിലുള്ള വിവേചനങ്ങളിൽ നിന്നും മുക്തവും ദരിദ്രരോട് അനുകമ്പയുള്ളതുമായ ഒരു സമൂഹത്തെ സൃഷ്ടിക്കുക എന്നതാണ് സംസ്ഥാന വ്യാപകമായ പരിപാടി ലക്ഷ്യമിടുന്നതെന്ന് അദ്ദേഹം പറഞ്ഞു.
മധേപുര ജില്ലയിലെ സിംഗേശ്വര് മഹാദേവ് സ്ഥാനിലാണ് പരിപാടി ആരംഭിച്ചത്,
പ്രതികരിക്കാൻ ഇവിടെ എഴുതുക: