തൃശൂര്: മരത്താക്കരയിലുള്ള ഫര്ണീച്ചര് കടയില് വന് തീപിടിത്തം. പുലര്ച്ചെ നാലു മണിയോടെയാണ് സംഭവം. തൃശ്ശൂരില് നിന്നും പുതുക്കാട് നിന്നും ഫയര് ഫോഴ്സിന്റെ അഞ്ച് യൂണിറ്റുകള് വിവരമറിഞ്ഞ് സ്ഥലത്തെത്തിയിട്ടുണ്ട്. ഏറെ നേരത്തെ ശ്രമത്തിനൊടുവിലാണ് തീ നിയന്ത്രണ വിധേയമാക്കിയത് ഫര്ണീച്ചര് കട പൂര്ണമായി കത്തിനശിച്ചിട്ടുണ്ട്. ലക്ഷങ്ങളുടെ നാശനഷ്ടം ഉണ്ടായെന്നാണ് നിഗമനം. അപകട സമയത്ത് ശക്തമായ മഴ പെയ്തതിനാല് തീ കൂടുതല് പ്രദേശങ്ങളിലേക്ക് വ്യാപിച്ചില്ല. അപകടത്തിന്റെ കാരണം സംബന്ധിച്ച് വിശദമായ പരിശോധന നടത്തും.
