ലക്നോ: ഉത്തര്പ്രദേശില് പ്രിയങ്ക ഗാന്ധി വധേരയുടെ അടുത്ത സഹായിയെന്ന് കരുതപ്പെടുന്ന കോണ്ഗ്രസ് നേതാവ് വീട്ടുവേലക്കാരിയെ പീഡിപ്പിച്ച കേസില് അറസ്റ്റില്. ജൗന്പൂര് സിറ്റി കോണ്ഗ്രസ് വൈസ് പ്രസിഡന്റ് ആയിരുന്ന മുഫ്തി മെഹന്ദിയാണ് പിടിയിലായത്. 10 വര്ഷമായി തന്റെ വീട്ടില് ജോലി ചെയ്യുന്ന സ്ത്രീയെ പീഡിപ്പിച്ചതിന് അറസ്റ്റിലായത്. മഫ്ത് മെഹന്ദി ആദ്യമായി പീഡിപ്പിക്കുമ്പോള് യുവതിക്ക് 15 വയസ്സായിരുന്നു.
വിവാഹവാഗ്ദാനങ്ങള് നല്കിയിരുന്നു. ഇരയ്ക്ക് സാരിയും പാദരക്ഷയും സമ്മാനിച്ച് വശീകരിക്കാനും ശ്രമിച്ചു. നഗ്നചിത്രങ്ങളും വിഡിയോകളും എടുത്ത് അവ കാട്ടി ഭീഷണിപ്പെടുത്തി. ഇവരെയും കുടുംബാംഗങ്ങളെയും കൊല്ലുമെന്ന് ഭീഷണിപ്പെടുത്തി. മറ്റുള്ളവരുമായി ബന്ധപ്പെടാന് നിര്ബന്ധിച്ചു. മര്ദിക്കുകയും ലൈംഗികമായി പീഡിപ്പിക്കുകയും ചെയ്തു. പോലീസിനോട് എന്തെങ്കിലും പറഞ്ഞാല് വീട്ടുകാരെ കൊന്നുകളയുമെന്ന് പറഞ്ഞ് ഭീഷണിപ്പെടുത്തി. വേറെ വഴിയില്ലാതെ പോലീസില് പരാതി നല്കുകയായിരുന്നു.
മുഫ്തി മെഹന്ദിക്കെതിരെ ബലാത്സംഗത്തിന് കേസ് രജിസ്റ്റര് ചെയ്യുകയും അറസ്റ്റ് ചെയ്യുകയും ചെയ്തു. കോണ്ഗ്രസിന്റെ പ്രിയങ്ക ഗാന്ധി വാദ്രയുമായി വര്ഷങ്ങളോളം അടുത്ത ബന്ധം പുലര്ത്തിയിരുന്ന നേതാവാണ്.
