തൃശൂര്‍: മലയാളികളുടെ മനം കവര്‍ന്ന നിരവധി ഹിറ്റ് ഗാനങ്ങളുടെ സൃഷ്ടാവ് തൃശൂര്‍ക്കാരുടെ പ്രിയപ്പെട്ട മോഹന്‍ സിതാര ബിജെപിയില്‍ അംഗത്വം എടുത്തു. ബിജെപി ജില്ലാ പ്രസിഡന്റ് അഡ്വ. കെ.കെ അനീഷ്‌കുമാര്‍ മോഹന്‍ സിതാരയക്ക് അംഗത്വം നല്‍കി ബിജെപി ജില്ലാതല മെമ്പര്‍ഷിപ്പ് കാമ്പയിന് തുടക്കം കുറിച്ചു.
ബിജെപി മണ്ഡലം പ്രസിഡന്റ് രഘുനാഥ് സി മേനോന്‍, സംസ്ഥാന കമ്മറ്റിയംഗം മുരളി കൊളങ്ങാട്ട്, മണ്ഡലം ജനറല്‍ സെക്രട്ടറി സുശാന്ത് അയിനിക്കുന്നത്ത് എന്നിവരും ചടങ്ങില്‍ പങ്കെടുത്തു. സപ്തംബര്‍ 2 ന് 5 മണിക്ക് പ്രധാനമന്ത്രി നരേന്ദ്ര മോദി അംഗത്വം പുതുക്കിയതോടെയാണ് മെമ്പര്‍ഷിപ്പ് കാമ്പയിന് തുടക്കമായത്.
തൃശൂർ ജില്ലയില്‍ 7 ലക്ഷം പേരെ അംഗത്വമെടുപ്പിക്കാനാണ് ബിജെപി ലക്ഷ്യമിടുന്നത്. ഒക്ടോബര്‍ 15 വരെയാണ് അംഗത്വ പ്രചരണം.
പ്രതികരിക്കാൻ ഇവിടെ എഴുതുക: