കോട്ടയം: കോട്ടയം നഗരസഭയിലെ 3 കോടിയുടെ പെന്‍ഷന്‍ ഫണ്ട് തട്ടിപ്പ് കേസിലെ പ്രതി അഖില്‍ വര്‍ഗീസിനെ കണ്ടെത്താന്‍ ലുക്ക് ഔട്ട് നോട്ടീസ് പുറപ്പെടുവിച്ചു. 22 ദിവസം കഴിഞ്ഞിട്ടും അഖിലിനെ കണ്ടെത്താന്‍ സാധിക്കാത്തതിനെത്തുടര്‍ന്നാണിത്. ഈ മാസം 7 നാണ് തട്ടിപ്പ് പുറത്ത് വന്നത്.
അതേസമയം തട്ടിപ്പുമായി ബന്ധപ്പെട്ട് കോട്ടയം നഗരസഭ ചെയര്‍പേഴ്‌സണ്‍ ബിന്‍സി സെബാസ്റ്റിയനെതിരായി എല്‍ഡിഎഫ് കൊണ്ടുവന്ന അവിശ്വാസപ്രമേയം ക്വാറം തികയാഞ്ഞതിനെ തുടര്‍ന്ന് ചര്‍ച്ചയ്‌ക്കെടുത്തില്ല. ബിജെപി, യുഡിഎഫ് അംഗങ്ങള്‍ വിട്ടുനിന്നതോടെയാണ് അവിശ്വാസം ചര്‍ച്ചക്കെടുക്കാന്‍ കഴിയാതെ വന്നത്. എല്‍ഡിഎഫിലെ 22 അംഗങ്ങള്‍ മാത്രമാണ് സഭയിലെത്തിയത്. അവിശ്വാസം പാസാകാന്‍ 27 അംഗങ്ങളുടെ പിന്തുണ വേണം.
പ്രതികരിക്കാൻ ഇവിടെ എഴുതുക: