കണ്ണൂര്: പുരോഗമന കലാസാഹിത്യ സംഘത്തിന്റെ സംസ്ഥാന സമ്മേളന ഉദ്ഘാടന വേദിയില് വിമര്ശനവുമായി കഥാകൃത്ത് ടി. പത്മനാഭന്. ഇഎംഎസും കെ. ദാമോദരനുമായുണ്ടായ ബന്ധത്തെ ഓര്ത്തെടുത്താണ് അദ്ദേഹം അഞ്ച് മിനിട്ട് നീണ്ട പ്രസംഗം ആരംഭിച്ചത്.
ഇവരൊക്കെ എല്ലാത്തിലും ഗ്രാഹ്യമുണ്ടായിരുന്ന ആള്ക്കാരായിരുന്നു. ഇഎംഎസ് തനിക്ക് തെറ്റുപറ്റിയിട്ടുണ്ടെങ്കില് അതു സമ്മതിക്കാനും മാപ്പുപറയാനും അന്തസ് കാണിച്ച നേതാവായിരുന്നു. അതിന്റെ പിന്മുറക്കാര് അതിനു തയാറാകുന്നുണ്ടോയെന്ന കാര്യം ആലോചിക്കണമെന്നും ടി. പത്മനാഭന് പറഞ്ഞു.
കണ്ണൂര് ഇ.കെ. നായനാര് അക്കാദമി ഹാളില് നടക്കുന്ന സമ്മേളനത്തില് മുഖ്യാതിഥിയായി പങ്കെടുത്താണ് ടി. പത്മനാഭന്റെ വിമര്ശനം. കവി കെ. സച്ചിദാനന്ദന് സമ്മേളനം ഉദ്ഘാടനം ചെയ്തു. സമ്മേളനം ഇന്ന് സമാപിക്കും.
