പാലക്കാട്: യാക്കര ജംഗ്ഷനില് ബസിടിച്ച് സ്കൂട്ടര് യാത്രികയ്ക്ക് ദാരുണാന്ത്യം. കടുന്തുരുത്തി സ്വദേശി സംഗീത ആണ് മരിച്ചത്. ഇന്ന് രാവിലെ 8.35-ഓടെയായിരുന്നു സംഭവം. കോട്ടമൈതാനത്തിനടുത്തുള്ള ബേക്കറിയിലെ ജീവനക്കാരിയാണ് സംഗീത.
രാവിലെ കടയിലേക്ക് വരുന്ന വഴിയായിരുന്നു അപകടം. പാലക്കാട് മീനാക്ഷിപുരം റൂട്ടില് ഓടുന്ന സ്വകാര്യ ബസിനെ മറികടക്കവെ ബസ് പെട്ടെന്ന് മുന്നോട്ട് എടുക്കുകയും സ്കൂട്ടറില് തട്ടുകയുമായിരുന്നു. സ്കൂട്ടര് മറിഞ്ഞതോടെ സംഗീത ബസിനടിയിലേക്ക് വീഴുകയും പിന്ചക്രം ശരീരത്തിലൂടെ കയറിയിറങ്ങുകയുമായിരുന്നു.
