പ്രീമിയര്‍ ലീഗ് ഫുട്‌ബോളില്‍ ഇപ്‌സ്വിച്ച് ടൗണിനെതിരെ ലിവര്‍പൂളിനായി മുഹമ്മദ് സലാ(ഇടത്തേയറ്റം) ഗോള്‍ നേടുന്നു
ലണ്ടന്‍: പ്രീമിയര്‍ ലീഗ് ഫുട്‌ബോളില്‍ സീസണിലെ ആദ്യ മത്സരത്തിനിറങ്ങിയ വമ്പന്മാരായ ലിവര്‍പൂള്‍ എഫ്‌സിക്കും മാഞ്ചസ്റ്റര്‍ യുണൈറ്റഡിനും വിജയത്തുടക്കം. ഇരു ടീമുകളും എതിരില്ലാത്ത രണ്ട് ഗോള്‍ വീതം നേടിയാണ് വിജയിച്ചത്.
ഇപ്‌സ്വിച്ച് ടൗണിനെതിരെ ലിവര്‍പൂള്‍ ആണ് ഇന്നലെ ആദ്യം കളിച്ചത്. രണ്ടാം പകുതിയില്‍ നേടിയ രണ്ട് ഗോളുകളാണ് ടീമിന് വിജയമൊരുക്കിയത്. ഡിയോഗോ ജോട്ടയും സൂപ്പര്‍ താരം മുഹമ്മദ് സലായും യഥാക്രമം 60, 65 മിനിറ്റുകളില്‍ ലിവറിന്റെ ഗോളുകള്‍ നേടി.
ആഴ്‌സണല്‍ ആദ്യ അങ്കത്തില്‍ കീഴടക്കിയത് കരുത്തരായ വൂള്‍വ്‌സ് എഫ്‌സിയെ ആണ്. ജര്‍മന്‍ സ്‌ട്രൈക്കര്‍ കായി ഹാവേര്‍ട്‌സും(25-ാം മിനിറ്റ്) ഇംഗ്ലണ്ട് വലത് വിങ്ങര്‍ ബുകായോ സാകായും(74) ഗോളുകള്‍ നേടി.
മറ്റ് മത്സരങ്ങളില്‍ ബ്രൈറ്റണ്‍ എവര്‍ട്ടണിനെ 3-0ന് തോല്‍പ്പിച്ചപ്പോള്‍ ന്യൂകാസില്‍ സൗതാംപ്ടണിനെ എതിരില്ലാത്ത ഒരു ഗോളിന് തോല്‍പ്പിച്ചു. നോട്ടിങ്ഹാം ഫോറസ്റ്റ്-ബോണ്‍മൈത്ത് മത്സരം ഓരോ ഗോള്‍ സമനിലയില്‍ കലാശിച്ചു.
പ്രതികരിക്കാൻ ഇവിടെ എഴുതുക