ശ്രീനഗര്‍ :ജമ്മു കശ്മീരിലെ അനന്ത്നാഗ് ജില്ലയില്‍ ഭീകരരുമായുണ്ടായ ഏറ്റുമുട്ടലില്‍ രണ്ട് സൈനികര്‍ക്കു വീരമൃത്യു. ഏറ്റുമുട്ടലില്‍ ഒരു സൈനികനും രണ്ടു പ്രദേശവാസികള്‍ക്കും പരിക്കേറ്റു.
ശനിയാഴ്ച ഉച്ചതിരിഞ്ഞാണ് ഭീകരരും സൈനികരും തമ്മില്‍ വെടിവയ്പ് ആരംഭിച്ചത്.കോകര്‍നാഗ് സബ്ഡിവിഷനില്‍ ഭീകരവിരുദ്ധ നീക്കങ്ങളുടെ ഭാഗമായി പട്രോളിംഗ് നടത്തുകയായിരുന്ന സൈനികര്‍ക്ക് നേരെ ഭീകരര്‍ വെടി ഉതിര്‍ക്കുകയായിരുന്നു. കഴിഞ്ഞ ഒരുവര്‍ഷത്തിനിടയില്‍ കോകര്‍നാഗില്‍ നടന്ന രണ്ടാമത്തെ വലിയ ഏറ്റുമുട്ടലാണിത്. 2023 സെപ്തംബറില്‍ നടന്ന ഏറ്റുമുട്ടലില്‍ കമാന്‍ഡിംഗ് ഓഫിസറും മേജറുമടക്കം വീരമൃത്യു വരിച്ചിരുന്നു.
കഴിഞ്ഞ ദിവസം അനന്ത്നാഗ് ജില്ലയിലെ അഹ്ലന്‍ ഗഗര്‍മണ്ഡു മേഖലയില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടല്‍ നടന്നിരുന്നു.
പ്രതികരിക്കാൻ ഇവിടെ എഴുതുക: