പാരീസ്: 2020ലെ ടോക്കിയോ ഒളിംപിക്സില്‍ വനിതാ 200 മീറ്ററില്‍ വെങ്കലം കൊണ്ട് തൃപ്തയായ അമേരിക്കയുടെ ഗബ്രിയേലെ തോമസ് നാല് വര്‍ഷത്തിനിപ്പുറം അതേ ഇനത്തില്‍ പൊന്നണിഞ്ഞു.
100 മീറ്ററിലെ വേഗ റാണി സെന്റ് ലൂസിയയുടെ ജൂലിയന്‍ ആല്‍ഫ്രഡിനെ വെള്ളിയിലേക്ക് പിന്തള്ളിയാണ് അമേരിക്കന്‍ താരത്തിന്റെ സ്വര്‍ണക്കുതിപ്പ്. 21.83 സെക്കന്റില്‍ പറന്നെത്തിയാണ് താരം പൊന്നണിഞ്ഞത്. ജൂലിയന്‍ ആല്‍ഫ്രഡ് 22.08 സെക്കന്‍ഡില്‍ വെള്ളി നേടിയപ്പോള്‍ അമേരിക്കയുടെ ബ്രിട്ടനി ബ്രൗണ്‍ 22.20 സെക്കന്‍ഡില്‍ വെങ്കലം സ്വന്തമാക്കി.
