കഴിഞ്ഞ ദിവസമാണ് മമ്മൂട്ടി ഹൈദരാബാദിലെത്തി തന്റെ പതിനഞ്ചാമത് ഫിലിം ഫെയര്‍ അവാര്‍ഡ് ഏറ്റുവാങ്ങിയത്. നന്‍പകല്‍ നേരത്ത് മയക്കം എന്ന ചിത്രത്തിലെ അഭിനയത്തിനാണ് മികച്ച അഭിനേതാവിനുള്ള ഫിലിം ഫെയര്‍ അവാര്‍ഡ് മമ്മൂട്ടി നേടിയത്.
വേദിയിൽ മമ്മൂട്ടി നടത്തിയ പ്രസംഗവും ശ്രദ്ധ നേടിയിരുന്നു. ഇത് തന്റെ 15മത്തെ ഫിലിം ഫെയര്‍ അവാര്‍ഡാണെന്നും എന്നാല്‍ അവാര്‍ഡ് നേട്ടം തന്നെ സന്തോഷിപ്പിക്കുന്നില്ലെന്നും വയനാടിന്റെ വേദനയാണ് മനസിലെന്നുമാണ് മമ്മൂട്ടി പറഞ്ഞത്. ജീവനും ഉപജീവനവും നഷ്ടപ്പെട്ടവര്‍ക്കൊപ്പമാണെന്നും എല്ലാവരും വയനാടിനെ സഹായിക്കണമെന്നും മമ്മൂട്ടി വേദിയിൽ അഭ്യർത്ഥിച്ചിരുന്നു.
അവാർഡ് വേദിയിൽ മമ്മൂട്ടി ധരിച്ചെത്തിയ ഷർട്ടിലാണ് ഫാഷൻ പ്രേമികളുടെ കണ്ണിലുടക്കിയത്. എറാൾഡോ ബ്രാൻഡിന്റെ എൻഡ് ലെസ് ജോയ് ബാങ് ബാങ് ഗ്രാഫിക് പ്രിന്റ് ഷർട്ടാണ് മമ്മൂട്ടി അണിഞ്ഞത്. നേവി ബ്ലൂ- മൾട്ടി കളർ കോമ്പിനേഷനും ഗ്രാഫിക് പ്രിന്റുമെല്ലാം ഷർട്ടിൽ കാണാം.
പ്രതികരിക്കാൻ ഇവിടെ എഴുതുക: