ജറുസലം : ലബനനില്‍ നിന്നു തൊടുത്ത റോക്കറ്റ് ഇസ്രയേല്‍ അധീനതയിലുള്ള ഗോലാന്‍കുന്നില്‍ പതിച്ച് 11 മരണം. ഫുട്‌ബോള്‍ മൈതാനത്താണ് റോക്കറ്റ് പതിച്ചത്.
പത്ത് വയസിനും 20 നും ഇടയില്‍ പ്രായമുള്ളവരാണ് മരിച്ചവരെല്ലാം.
ഗോലാന്‍ കുന്നിലെ മജ്ദല്‍ ഷംസിലെ ദ്രൂസ് ഗ്രാമത്തിലാണ് ആക്രമണം നടന്നത്. ലബനനില്‍ ഇസ്രയേലിന്റെ മിസൈല്‍ ആക്രമണത്തില്‍ മൂന്ന് ഹിസ്ബുല്ല അംഗങ്ങള്‍ കൊല്ലപ്പെട്ടതിനു തിരിച്ചടിയായാണ് റോക്കറ്റാക്രമണം. ആക്രമണത്തിനു പിന്നില്‍ ഹിസ്ബുല്ലയാണെന്നാണ് ഇസ്രയേലിന്റെ ആരോപണം
എന്നാല്‍ സംഭവവുമായി ബന്ധമില്ലെന്നാണ് ഹിസ്ബുല്ലയുടെ പ്രതികരണം.
പ്രതികരിക്കാൻ ഇവിടെ എഴുതുക: