ലഖ്‌നൗ: മുന്‍ കേന്ദ്രമന്ത്രിയും ബിജെപി നേതാവുമായ മനേക ഗാന്ധി തെരഞ്ഞെടുപ്പ് പരാജയം ചോദ്യം ചെയ്തുകൊണ്ട് കേസ് ഫയല്‍ ചെയ്തു. എതിര്‍ സ്ഥാനാര്‍ത്ഥി സമാജ്‌വാദി പാര്‍ട്ടി എംപി ഭുല്‍ നിഷാദിനെതിരെയാണ് അലഹബാദ് ഹൈക്കോടതിയില്‍ കേസ് നല്കിയത്. കേസില്‍ ലഖ്‌നൗ ബെഞ്ച് നാളെ വാദം കേള്‍ക്കും.
തെരഞ്ഞെടുപ്പ് നാമനിര്‍ദേശ പത്രികയില്‍ ക്രമിനല്‍ കേസുകളെക്കുറിച്ചുള്ള കാര്യങ്ങള്‍ മറച്ചുവച്ചുവെന്നത് ചൂണ്ടിക്കാട്ടിയാണ് കേസ് നല്കിയത്. നിഷാദിനെതിരെ 12 ക്രിമിനല്‍ കേസുകളുണ്ട്. എന്നാല്‍ തെരഞ്ഞെടുപ്പ് സത്യവാങ്മൂലത്തില്‍ എട്ടു കേസുകള്‍ മാത്രമെ രേഖപ്പെടുത്തിയിട്ടുള്ളു. ഈ സാഹചര്യത്തില്‍ നിഷാദിന്റെ തെരഞ്ഞെടുപ്പ് റദ്ദാക്കി തന്നെ വിജയിയായി പ്രഖ്യാപിക്കണമെന്നാണ് മനേക ഗാന്ധിയുടെ വാദം.
പ്രതികരിക്കാൻ ഇവിടെ എഴുതുക: