ഡാംബുള്ള: ഏഷ്യ കപ്പ് വനിതാ ക്രിക്കറ്റില് ഇന്ന് കലാശപ്പോരാട്ടം. ഉച്ചകഴിഞ്ഞ് മൂന്നിന് നടക്കുന്ന ഫൈനലില് നിലിവലെ ജേതാക്കളായ ഭാരതം ശ്രീലങ്കയെ നേരിടും. ടൂര്ണമെന്റില് കളിച്ച എല്ലാ മത്സരങ്ങളും ജയിച്ചാണ് ഇരു ടീമുകളുടെയും മുന്നേറ്റം.
സെമിയില് ബംഗ്ലാദേശിനെ പത്ത് വിക്കറ്റിന് തകര്ത്താണ് ഭാരതത്തിന്റെ വരവ്. ശ്രീലങ്ക കരുത്തരായ പാകിസ്ഥാനെ സെമിയില് മൂന്ന് വിക്കറ്റിന് കീഴടക്കിയാണ് ഫൈനലിന് അര്ഹത നേടിയത്. വെള്ളിയാഴ്ചയായിരുന്നു രണ്ട് സെമിയും നടന്നത്. നേരത്തെ ഗ്രൂപ്പ് എയില് പാകിസ്ഥാന്, നേപ്പാള്, യുഎഇ ടീമുകളെയാണ് ഭാരതം തോല്പ്പിച്ചത്. ശ്രീലങ്കയാകട്ടെ ഗ്രൂപ്പ് ബിയില് ബംഗ്ലാദേശ്, തായ്ലന്ഡ്, മലേഷ്യ ടീമുകളെയും തോല്പ്പിച്ചു.
മികച്ച ഫോമിലാണ് ഇരു ടീമുകളും. കളിമികവില് മുന്തൂക്കം ഹര്മന്പ്രീത് കൗര് നയിക്കുന്ന ഭാരതത്തിനാണ്. ചമാരി അത്തപത്തുവിന് കീഴിലുള്ള ലങ്കയ്ക്ക് ആതിഥേയ ടീം എന്ന ആനുകൂല്യമുണ്ട്.
