കോട്ടയം : കോട്ടയം തലയോലപ്പറമ്പിന് സമീപം വെട്ടിക്കാട്ട്മുക്കില് സ്വകാര്യ ബസ് തലകീഴായി മറിഞ്ഞു. അപകടത്തില് 40 ഓളം പേര്ക്ക് പരിക്ക്.മൂന്ന് പേരുടെ പരിക്ക് ഗുരുതരമാണ്.
എറണാകുളം- പാലാ- ഈരാറ്റുപേട്ട റൂട്ടില് സര്വീസ് നടത്തുന്ന ആവേമരിയ ബസാണ് അപകടത്തില്പ്പെട്ടത്. പരിക്കേറ്റ മുഴുവന് പേരെയും കോട്ടയം മെഡിക്കല് കോളേജ് ആശുപത്രിയിലേക്ക് മാറ്റി. പരിക്കേറ്റവരെ ചികിത്സിക്കാന് മെഡിക്കല് കോളേജില് എല്ലാ സജ്ജീകരണങ്ങളും ചെയ്തിട്ടുണ്ടെന്ന് സി കെ ആശ എം എല് എ അറിയിച്ചു.
എറണാകുളത്ത് നിന്ന് കോട്ടയത്തേക്ക് വന്ന ബസാണ് അപകടത്തില്പ്പെട്ടത്. ബസ് അമിത വേഗത്തിലായിരുന്നു എന്നാണ് വിവരം. ഡ്രൈവര്ക്ക് ദേഹാസ്വാസ്ഥ്യം ഉണ്ടായതിനെ തുടര്ന്നാണ് അപകടമുണ്ടായതെന്നാണ് നാട്ടുകാര് പറയുന്നത്. എന്നാല് ഇതിന് സ്ഥിരീകരണമില്ല.
