കോഴിക്കോട്: മലപ്പുറത്ത് നിപ സംശയത്തില്‍ ആശുപത്രിയില്‍ നിരീക്ഷണത്തിലുളള ഏഴ് പേരുടെ സാമ്പിളുകള്‍ നെഗറ്റീവ്. ആറ് പേര്‍ മഞ്ചേരി മെഡിക്കല്‍ കോളേജിലും ഒരാള്‍ കോഴിക്കോട് മെഡിക്കല്‍ കോളേജ് ആശുപത്രിയിലുമാണ് നിരീക്ഷണത്തില്‍ കഴിയുന്നത്.
നിപ ബാധിച്ച് മരിച്ച 14 വയസുകാരന്റെ ബന്ധുക്കളിലും രോഗലക്ഷണമില്ല.14 കാരന്റെ സമ്പര്‍ക്കപ്പട്ടികയിലുളളത് 330 പേരാണ്.
ഇവരില്‍ 101 പേര്‍ െൈഹറിസ്‌ക്ക് വിഭാഗത്തിലാണ്. 68 പേര്‍ ആരോഗ്യ പ്രവര്‍ത്തകരും.
മരിച്ച കുട്ടി സുഹൃത്തുക്കള്‍ക്കൊപ്പം മരത്തില്‍ നിന്ന് അമ്പഴങ്ങ പറിച്ച് കഴിച്ചതായാണ് അറിയുന്നത്. ഇവിടെ വവ്വാലിന്റെ സാന്നിദ്ധ്യവുമുണ്ട്. പ്രദേശത്ത് വീടുകള്‍ കയറിയുളള സര്‍വെ അടക്കം പ്രതിരോധ പ്രവര്‍ത്തനങ്ങള്‍ ശക്തമാക്കി. പാണ്ടിക്കാട്, ആനക്കയം പഞ്ചായത്തുകളില്‍ തിങ്കളാഴ്ച സാമൂഹ്യ അകലം പാലിച്ച് പ്ലസ് വണ്‍ അലോട്ട്‌മെന്റ് നടക്കും.
പ്രതികരിക്കാൻ ഇവിടെ എഴുതുക: