തിരുവനന്തപുരം : മൂന്ന് ജില്ലാ കളക്ടര്‍മാര്‍ക്ക് സ്ഥലംമാറ്റം.കോട്ടയം, ഇടുക്കി, തിരുവനന്തപുരം കളക്ടര്‍മാരെയാണ് മാറ്റിയത്.
ഐടി മിഷന്‍ ഡയറക്ടറായ അനു കുമാരിയാണ് പുതിയ തിരുവനന്തപുരം ജില്ലാ കളക്ടര്‍. തിരുവനന്തപുരം കളക്ടര്‍ ജെറോമിക് ജോര്‍ജിനെ പിന്നാക്ക ക്ഷേമ ഡയറക്ടറാക്കി.
കോട്ടയം കളക്ടര്‍ വി.വിഘ്‌നേശ്വരിയെ ഇടുക്കിയിലേക്ക് മാറ്റി. ഇടുക്കി കളക്ടര്‍ ഷീബാ ജോര്‍ജിനെ റവന്യൂവകുപ്പിലെ അഡീഷണല്‍ സെക്രട്ടറിയായി നിയമിച്ചു.
പുതിയ കോട്ടയം കളക്ടറായി ജോണ്‍ വി.സാമുവലിനെ നിയമിച്ചു. ഷീബാ ജോര്‍ജും അനുകുമാരിയും നിലവില്‍ വഹിക്കുന്ന അധികചുമതലകള്‍ തുടരും. സപ്ലൈകോയില്‍ നിന്ന് മാറ്റിയ ശേഷം നിയമനം നല്‍കാതിരുന്ന ശ്രീറാം വെങ്കിട്ടരാമനെ ധനവകുപ്പിന്റെ ജോയിന്റ് സെക്രട്ടറിയായി നിയമിച്ചു.
പ്രതികരിക്കാൻ ഇവിടെ എഴുതുക: