തൃശൂര്: ഓണക്കാലത്ത് റിക്കാര്ഡ് വില്പന കരസ്ഥമാക്കി സപ്ലൈകോയും കണ്സ്യൂമര്ഫെഡും. സപ്തംബര് 4 വരെ സപ്ലൈകോ 386.19 കോടിയും കണ്സ്യൂമര്ഫെഡ് 157 കോടിയും വില്പന നടത്തി.
56 ലക്ഷത്തിലധികം ഉപഭോക്താക്കളാണ് സപ്ലൈകോ വില്പനശാലകള് സന്ദര്ശിച്ചത്. പൊതുവിപണിയിലെ വിലക്കയറ്റം തടയുക എന്ന ലക്ഷ്യത്തോടെയാണ് സംസ്ഥാന സര്ക്കാര് ഓണവിപണികള് സജ്ജമാക്കിയത്. സപ്ലൈകോ വില്പന 300 കോടിയില് എത്തിക്കുക എന്നതായിരുന്നു സര്ക്കാരിന്റെ ലക്ഷ്യം. എന്നാല് സപ്ലൈകോ 386 കോടിയിലേക്ക് എത്തി. 180 കോടിയുടെ സബ്സിഡി വില്പനയും 206 കോടിയുടെ നോണ് സബ്സിഡി വില്പനയും സപ്ലൈകോ നടത്തി. ജില്ലാ ഫെയറുകളില് മാത്രം അഞ്ച് കോടിയില് അധികമാണ് വില്പന നടന്നത്. 44 ലക്ഷത്തിലധികം രൂപയുടെ വില്പന സഞ്ചരിക്കുന്ന ഓണച്ചന്തകളിലൂടെയും നടന്നു.
