തിരുവനന്തപുരം: ആമയിഴഞ്ചാന്‍ തോട്ടില്‍ മാലിന്യം വൃത്തിയാക്കവെ കാണാതായ ശുചീകരണത്തൊഴിലാളി ജോയിയെ കണ്ടെത്താനുള്ള തെരച്ചില്‍ ഞായറാഴ്ചത്തേക്ക് അവസാനിപ്പിച്ചു. മുപ്പത്തിനാല് മണിക്കൂര്‍ നീണ്ട തെരച്ചിലാണ് ഇന്ന് താല്‍ക്കാലികമായി നിര്‍ത്തിയത്.
റെയില്‍വെ ട്രാക്കിന് അടിയിലൂടെ പോകുന്ന ടണലില്‍ സ്‌കൂബ സംഘം പരിശോധന നടത്തിയെങ്കിലും ഫലമുണ്ടാണ്ടില്ല. അതിശക്തമായി വെള്ളം ഒഴുക്കിവിട്ട് മാലിന്യം നീക്കാനുള്ള ശ്രമവും ഫലം കണ്ടില്ല. ആറ് മണിയോടെ സ്‌കൂബ സംഘം ഇന്നത്തെ തെരച്ചില്‍ അവസാനിപ്പിച്ചു.
അതിനിടെ നാവികസേനയുടെ മുങ്ങല്‍ വിദഗ്ധര്‍ അടങ്ങുന്ന അഞ്ചംഗസംഘം തിരുവനന്തപുരത്തെത്തി.ഇവരുടെ പരിശോധന ഉടന്‍ ആരംഭിക്കും. ബ്രീഫിംഗിനായി ഒന്നോ രണ്ടോ ഉദ്യോഗസ്ഥര്‍ മാത്രം ഇവരോടൊപ്പം ഉണ്ടാകും.
ഇന്നലെ രാവിലെ 11 മണിയോടെയാണ് മാരായമുട്ടം സ്വദേശി ജോയിയെ കാണാതായത്.
പ്രതികരിക്കാൻ ഇവിടെ എഴുതുക: