കണ്ണൂര്‍: പെട്രോള്‍ പമ്പ് ജീവനക്കാരനോട് അതിക്രമം കാട്ടി പൊലീസുകാരന്‍. പെട്രോള്‍ അടിച്ചതിന്റെ പണം ചോദിച്ച ജീവനക്കാരനെ കാറിന്റെ ബോണറ്റില്‍ ഇരുത്തി സ്റ്റേഷന്‍ വരെ ഓടിച്ചു പോയി.
തളാപ്പിലെ ഭാരത് പെട്രോള്‍ പമ്പിലാണ് സംഭവം. കണ്ണൂര്‍ ടൗണ്‍ പൊലീസ് സ്റ്റേഷനിലെ ഉദ്യോഗസ്ഥനായ സന്തോഷാണ് അതിക്രമം കാട്ടിയത്.
പള്ളിക്കുളം സ്വദേശി അനിലിനെയാണ് ബോണറ്റിലിരുത്തി കാര്‍ ഓടിച്ചു കൊണ്ടുപോയത്.മാസങ്ങള്‍ക്ക് മുമ്പ സന്തോഷ് മറ്റൊരു പെട്രോള്‍ പമ്പിലേക്ക് പൊലീസ് ജീപ്പ് ഇടിച്ചു കയറ്റിയിരുന്നു. അന്ന് വാഹനത്തിന്റെ നിയന്ത്രണം വിട്ടു എന്നാണ് പറഞ്ഞത്.
പ്രതികരിക്കാൻ ഇവിടെ എഴുതുക: