തിരുവനന്തപുരം: സംസ്ഥാനത്ത് ഇന്ന് വൈദ്യുതി നിയന്ത്രണം ഏര്‍പ്പെടുത്തി. രാത്രി 12 വരെ 15 മിനിറ്റ് നേരത്തേക്ക് വൈദ്യുതി മുടങ്ങുമെന്നാണ് കെഎസ്ഇബി രാത്രി വൈകി അറിയിച്ചത്.
മൈതോണ്‍ തെര്‍മല്‍ പ്ലാന്റില്‍ നിന്നുള്ള വൈദ്യുതി വിതരണത്തില്‍ കുറവുണ്ടായതാണ് നിയന്ത്രണം ഏര്‍പ്പെടുത്താന്‍ കാരണം.മൈതോണില്‍ നിന്നും ലഭിക്കേണ്ട വൈദ്യുതിയില്‍ 180 മെഗാവാട്ടിന്റെ കുറവാണുണ്ടായത്. വൈദ്യുതി വിപണിയില്‍ വൈദ്യുതി ലഭ്യതയും കുറഞ്ഞു.
ചൊവ്വാഴ്ച രാത്രി 12 മണിക്ക് മുമ്പ് 15 മിനിറ്റ് വൈദ്യുതി നിയന്ത്രണം ഉണ്ടാകാന്‍ സാധ്യതയുണ്ടെന്നും മാന്യ ഉപഭോക്താക്കളുടെ സഹകരണം അഭ്യര്‍ത്ഥിക്കുന്നുവെന്നും കെഎസ്ഇബി അറിയിച്ചു.
പ്രതികരിക്കാൻ ഇവിടെ എഴുതുക: