തിരുവനന്തപുരം: ടൂറിസം ഡയറക്ടര്‍ പിബി നൂഹിന് ചുമതല മാറ്റം.മദ്യനയം മാറ്റ ചര്‍ച്ചക്കിടെ ടൂറിസം മന്ത്രി മൊഹമ്മദ് റിയാസും ഡയറക്ടറും തമ്മില്‍ ഭിന്നത ഉണ്ടെന്ന വാര്‍ത്തകള്‍ വന്നതിന് പിന്നാലെ അവധിയില്‍ പോയിരുന്നു പി ബി നൂഹ്.
സപ്ലൈകോ സിഎംഡിയായാണ് പുതിയ നിയമനം. ടൂറിസം ഡയറക്ടര്‍ സ്ഥാനത്ത് നിന്ന് അവധിയില്‍ പ്രവേശിച്ച പി ബി നൂഹ്ഈ മാസം 22 ന് തിരിച്ചെത്താനിരിക്കെയാണ് ചുമതല മാറ്റി നല്‍കിയത്.
ശിഖ സുരേന്ദ്രനാണ് നൂഹിന് പകരം ടൂറിസം ഡയറക്ടറാകുന്നത്. ആരോഗ്യ കുടുംബ ക്ഷേമ വകുപ്പില്‍ ഡപ്യൂട്ടി സെക്രട്ടറിയായിരുന്നു ശിഖ.
എംഎസ് മാധവിക്കുട്ടിയാണ് ആരോഗ്യ കുടുംബ ക്ഷേമ വകുപ്പില്‍ ഡെപ്യൂട്ടി സെക്രട്ടറി. സെന്റര്‍ ഫോര്‍ കണ്ടിന്യൂയിങ് എജുക്കേഷന്റെ ഡയറക്ടര്‍ പദവിയിലും മാധവിക്കുട്ടി തുടരും. കൊച്ചിന്‍ സ്മാര്‍ട് മിഷന്‍ സിഇഒ ആയ ഷാജി വി നായരെ വൈറ്റില മൊബിലിറ്റി ഹബ്ബിന്റെ മാനേജിംഗ് ഡയറക്ടറായി നിയമിച്ചു. ഫോര്‍ട്ട് കൊച്ചി സബ് കളക്ടറായ കെ മീരയ്‌ക്ക് എറണാകുളം ജില്ലാ വികസന കമ്മീഷണറുടെ അധിക ചുമതല നല്‍കി.
പ്രതികരിക്കാൻ ഇവിടെ എഴുതുക: