ബെംഗളൂരു: മുഖ്യമന്ത്രിക്കസേരയില് കണ്ണു നട്ടവരാണ് മൈസൂരു അര്ബന് ഡെവലപ്മെന്റ് അതോറിറ്റിയുടെ (മുഡ) ഭൂമി അഴിമതി പുറത്തുകൊണ്ടുവന്നതെന്ന് ഉപമുഖ്യമന്ത്രി
ഡ.ികെ. ശിവകുമാറിനെ പരോക്ഷമായി പരാമര്ശിച്ച് കേന്ദ്ര ഘനവ്യവസായ മന്ത്രി എച്ച്.ഡി.കുമാരസ്വാമി പറഞ്ഞു. മുഡയില് നിന്ന് 62 കോടി രൂപ നഷ്ടപരിഹാരം ആവശ്യപ്പെടുന്ന മുഖ്യമന്ത്രി സിദ്ധരാമയ്യ, ഭൂമി നഷ്ടപ്പെട്ട് നിസ്സഹായരായ കര്ഷകര്ക്ക് നഷ്ടപരിഹാരം നല്കാന് സൗകര്യമൊരുക്കട്ടെ. സിദ്ധരാമയ്യയുടെ ഭാര്യക്ക് എങ്ങനെ ഭൂമി ലഭിച്ചുവെന്ന് എല്ലാവര്ക്കുമറിയാമെന്നും അദ്ദേഹംപറഞ്ഞു.
വികസനത്തിന്റെ പേരില് കര്ണാടകയിലുടനീളം ലക്ഷക്കണക്കിന് കര്ഷകരുടെ ഭൂമി ഏറ്റെടുത്തു. ആ കര്ഷകര് ഭൂരഹിതരും തൊഴിലില്ലാത്തവരുമായി മാറിയിരിക്കുന്നു. കര്ഷകരുടെ ഭൂമിക്ക് എന്ത് നിരക്കാണ് സര്ക്കാര് നിശ്ചയിക്കുന്നത് കര്
ഷകര്ക്ക് സ്വന്തം ഭൂമി നഷ്ടപ്പെടുമ്പോള്, സിദ്ധരാമയ്യ ഭാര്യക്ക് കോടികളുടെ നഷ്ടപരിഹാരം തേടുന്നു.
സിദ്ധരാമയ്ക്ക് ഇതിനകം 14 പ്രധാന റെസിഡന്ഷ്യല് സൈറ്റുകള് ലഭിച്ചിട്ടുണ്ട്. ഇതിന് പുറമേയാണ് ഭാര്യയുടെ പേരില് കോടികള് നഷ്ടപരിഹാരം ആവശ്യപ്പെട്ട് മുഖ്യമന്ത്രി രംഗത്ത് വന്നിരിക്കുന്നത്.
കര്ണാടകയില് സിദ്ധരാമയ്യക്ക് പകരം നിലവിലെ ഉപമുഖ്യമന്ത്രി ഡി.കെ. ശിവകുമാറിനെ മുഖ്യമന്ത്രിയാക്കാനുള്ള നീക്കങ്ങള് തകൃതിയായി നടക്കുകയാണ്. അതിനിടെയിലാണ്
മുഖ്യമന്ത്രി സിദ്ധരാമയ്യയുടെ ഭാര്യക്ക് മൈസൂര് അര്ബന് ഡെവലപ്മെന്റ് അതോറിറ്റി (മുഡ) ക്രമം വിട്ട് സ്ഥലം അനുവദിച്ചു എന്ന വിവരം പുറത്തു വരുന്നത്. ഇതുള്പ്പെടെയുള്ള
മൈസൂര് അര്ബന് ഡെവലപ്മെന്റ് അതോറിറ്റി (മുഡ) ഭൂമി കുംഭകോണത്തില് ഏതാണ്ട് 4000 കോടി രൂപയുടെ അഴിമതി നടന്നു എന്നാണ് കണക്കാക്കുന്നത്.
ഇത്തരത്തില് നിരവധി ആളുകള്ക്ക് അര്ഹതപ്പെട്ടതിലും കൂടുതല് ബദല് സൈറ്റുകള് ലഭിച്ചു. ലേഔട്ടുകള് വികസിപ്പിക്കാന് വേണ്ടി ഭൂമിവിട്ടു നല്കിയ ചിലര്ക്ക് , അവരുടെ
പഴയ ഭുമിയേക്കാളും അളവില് കൂടുതലും , അവ വികസിപ്പിച്ചാല് ലഭ്യമാകുന്ന വിലയിലും കൂടുതലും വിപണി വിലയുള്ള കണ്ണായ ഭാഗങ്ങളില് ബദല് ഭൂമി ലഭിച്ചതായും ആരോപണമുണ്ട്. ഇതുമൂലം മുഡയ്ക്ക് നൂറുകണക്കിന് കോടിയുടെ നഷ്ടമുണ്ടായി. മുഡ കമ്മീഷണര് ദിനേശ് കുമാര് ഉള്പ്പെടെ നാല് ഉദ്യോഗസ്ഥരെ നഗരവികസന മന്ത്രി ബൈരതി സുരേഷ് ഇതിനകം സ്ഥലം മാറ്റിയിട്ടുണ്ട്.
1996ല് തന്റെ ഭാര്യാസഹോദരന് മല്ലികാര്ജുന മൂന്ന് ഏക്കറും 36 സെന്റ് ഭൂമി വാങ്ങി സഹോദരി പാര്വതിക്ക് സമ്മാനിച്ചതാണെന്ന് മുഖ്യമന്ത്രി പറഞ്ഞു. മുഡ ആ പ്ലോട്ടുകള് ഏറ്റെടുത്തതിന് ശേഷം സ്വത്ത് അവര്ക്ക് നഷ്ടമായെന്നും അദ്ദേഹം അവകാശപ്പെട്ടിരുന്നു. മുഡ ഭൂമി അഴിമതിയെക്കുറിച്ച് അന്വേഷിക്കാന് സീനിയര് ഐഎഎസ് ഓഫീസര് വെങ്കിടാചലപതിയുടെ നേതൃത്വത്തില് ഒരു സംഘത്തെ നിയോഗിക്കാന് സര്ക്കാര് തീരുമാനിച്ചിട്ടുണ്ട്.
