കോട്ടയം: പൊന്‍കുന്നം ജുമാ മസ്ജിദില്‍ ചീഫ് ഇമാമിന്റെ മൊബൈല്‍ ഫോണ്‍ മോഷ്ടിച്ചു. പട്ടാപകലാണ് സംഭവം.
പള്ളിയിലെ സിസിടിവി ക്യാമറയില്‍ പതിഞ്ഞ ആളെ കേന്ദ്രീകരിച്ചാണ് പൊലീസ് അന്വേഷണം.മസ്ജിദിനോട് ചേര്‍ന്നുള്ള ഉസ്താദുമാരുടെ മുറിയില്‍ വച്ചിരുന്ന ഫോണാണ് മോഷണം പോയത്.
ഉസ്താദുമാര്‍ പകല്‍ നമസ്‌ക്കാരത്തിന് പോയ സമയത്താണ് മോഷണം നടന്നത്.മുറിയിലുണ്ടായിരുന്ന മൊബൈല്‍ ഫോണ്‍ എടുത്ത ശേഷം വേഗത്തില്‍ കടന്നു കളയുന്ന മോഷ്ടാവിന്റെ സിസിടിവി ദൃശ്യങ്ങള്‍ ലഭിച്ചു. ഈ ദൃശ്യങ്ങള്‍ കേന്ദ്രീകരിച്ചാണ് അന്വേഷണം. രണ്ട് വര്‍ഷം മുമ്പും പള്ളിയില്‍ മോഷണം നടന്നിട്ടുണ്ടെങ്കിലും പ്രതിയെ പിടികൂടാന്‍ കഴിഞ്ഞില്ല.
