തിരുവനന്തപുരം: ട്രെയിന്‍ യാത്രയ്‌ക്കിടെ മലയാളി ബര്‍ത്ത് പൊട്ടിവീണ് മരിച്ചത് മുകള്‍ ബര്‍ത്തിലുണ്ടായിരുന്ന ആള്‍ കൃത്യമായി ചങ്ങല ലോക്ക് ചെയ്യാതിരുന്നതിനാലായിരുന്നെന്ന് റെയില്‍വേ. ബര്‍ത്തിന് കേടുപാടുകളില്ലെന്ന് ദക്ഷിണ റെയിവേ അറിയിച്ചു.
മലപ്പുറം പൊന്നാനി സ്വദേശി അലി ഖാന്‍ ആയിരുന്നു തെലങ്കാനയില്‍ വെച്ച് ബര്‍ത്ത് പൊട്ടി വീണ് മരിച്ചത്.
ദല്‍ഹിയില്‍ വച്ച് റെയില്‍വേയുടെ എഞ്ചിനീയര്‍മാര്‍ ബര്‍ത്ത് പരിശോധിച്ചു. പ്രശ്നങ്ങളൊന്നും കണ്ടെത്തിയിട്ടില്ലെന്ന് റെയില്‍ വിശദീകരിച്ചു. കിടന്നുറങ്ങുമ്പോഴല്ല അപകടമെന്നും എഴുന്നേറ്റപ്പോഴാണ് സംഭവിച്ചതെന്നും റെയില്‍വേ വ്യക്തമാക്കി.
ചൊവ്വാഴ്ചയായിരുന്നു അപകടം സംഭവിച്ചത്. അലിഖാന്‍ കിടന്ന ബര്‍ത്തിലേക്ക് മധ്യഭാഗത്തെ ബര്‍ത്ത് പൊട്ടിവീഴുകയായിരുന്നു. ദല്‍ഹിയിലേക്കുള്ള യാത്രക്കിടെ തെലുങ്കാന വാറങ്കലില്‍ വെച്ചായിരുന്നു അപകടം. റെയില്‍വേ അധികൃതര്‍ വാറങ്കലിലെ ആശുപത്രിയില്‍ പ്രവേശിപ്പിച്ചെങ്കിലും അലി ഖാന്റെ ജീവന്‍ രക്ഷിക്കാനായില്ല.
പ്രതികരിക്കാൻ ഇവിടെ എഴുതുക: