മാങ്ങ തിന്നുന്നത് തെറ്റാണോ :ഉപ്പും മുളകും കൂട്ടി പച്ചമാങ്ങ തിന്ന എന്നെ ആളുകൾ ഗര്‍ഭിണിയാക്കുകയാണ് ചെയ്തത്. :റായ് ലക്ഷമി

മലയാളത്തിലേക്ക് വന്ന സ്‌റ്റൈലിഷ് നായികമാരില്‍ ഒരാളാണ് റായ് ലക്ഷ്മി. മോഹന്‍ലാലിന്റെയും മമ്മൂട്ടിയുടെയുമൊക്കെ നായികയായി തിളങ്ങി നിന്നിരുന്ന നടി പല ഭാഷകളിലായി നിരവധി സിനിമകളില്‍ അഭിനയിച്ചു. ഇപ്പോഴും മലയാളത്തില്‍ സജീവമായിരിക്കുന്ന നടി ഏറ്റവും പുതിയതായി ഡിഎന്‍എ എന്ന ചിത്രത്തിലാണ് അഭിനയിച്ചത്.

ഒരു പോലീസുകാരിയുടെ വേഷത്തിലാണ് റായ് ലക്ഷ്മി ഈ ചിത്രത്തില്‍ അഭിനയിച്ചിരിക്കുന്നത്. സിനിമയുടെ പ്രൊമോഷനുമായി ബന്ധപ്പെട്ട് റെഡ് എഫ്എമ്മിന് നല്‍കിയ അഭിമുഖത്തില്‍ തന്റെ പേരില്‍ ഉയര്‍ന്ന് വന്ന വിവാദങ്ങളെ കുറിച്ചും ഗോസിപ്പുകളെ പറ്റിയുമൊക്കെ നടി സംസാരിച്ചിരുന്നു

‘എന്റെ പേരിനൊപ്പം ക്രിക്കറ്റ് താരങ്ങളുടെ പേരും വെച്ച് ഒത്തിരി ഗോസിപ്പുകള്‍ വന്നിട്ടുണ്ട്. എല്ലാ തവണയും അതെന്നെ ഞെട്ടിച്ചുവെന്ന് പറയാം. ഇപ്പോഴും ആളുകള്‍ എന്നെ ആ പേരുകള്‍ ചേര്‍ച്ച് ടാഗ് ചെയ്യാറുണ്ട്. ശ്രീശാന്തിന്റെ പേരിനൊപ്പം മാത്രമല്ല മഹേന്ദ്ര സിംഗ് ധോനിയുടെ പേരും പറയാറുണ്ട്. അദ്ദേഹം വിവാഹം കഴിഞ്ഞ് പോയി. ഞാനെന്റെ ജീവിതവുമായി മുന്നോട്ട് പോവുകയാണ്. മഹേന്ദ്ര സിംഗ് ധോനിയുടെ ബയോപിക്കിലെ ഈ റോള്‍ ലക്ഷ്മി റായി ആണെന്ന് ഒക്കെ പറഞ്ഞൊരു വാര്‍ത്ത അടുത്തിടെ ഞാന്‍ കണ്ടിരുന്നു. ഒരു കാരണവുമില്ലാതെ ആളുകള്‍ എന്നെ അതിലേക്ക് ടാഗ് ചെയ്യുകയാണ്. പഴയ വിവാദ വാര്‍ത്തകളൊക്കെ പുതിയതെന്ന രീതിയില്‍ വരുത്തി തീര്‍ക്കുകയാണ്. അതാണ് എനിക്ക് ഷോക്ക് നല്‍കുന്നത്.

മുന്‍പ് എന്നെ ഞെട്ടിച്ച് കൊണ്ട് തന്നെ ഒത്തിരി വാര്‍ത്തകള്‍ വരുമായിരുന്നു. അതിലൊന്ന് ഞാന്‍ ഗര്‍ഭിണിയാണെന്ന് പറഞ്ഞതാണ്. സിനിമയുടെ സെറ്റിലിരുന്ന് പച്ച മാങ്ങ ഞാന്‍ തിന്നിരുന്നു. അത് കണ്ടതോടെയാണ് ഞാന്‍ ഗര്‍ഭിണിയായെന്ന തരത്തില്‍ പ്രചരണം ഉണ്ടാവുന്നത്. മാങ്ങ തിന്നുന്നത് പോലും തെറ്റാണോ എന്നോര്‍ത്ത് ഞാന്‍ ശരിക്കും ഞെട്ടി.

ഉപ്പും മുളകും കൂട്ടി പച്ചമാങ്ങ തിന്നുന്നത് എനിക്കേറ്റവും ഇഷ്ടമുള്ള കാര്യമാണ്. എപ്പോഴും ഞാനങ്ങനെ തിന്നാറുണ്ട്. പക്ഷേ ആളുകളെന്നെ ഗര്‍ഭിണിയാക്കുകയാണ് ചെയ്തത്. നമ്മളെന്തെങ്കിലും ചെയ്താല്‍ അതിന്റെ നേര്‍വിപരീതമായിട്ടാണ് ആളുകള്‍ അത് എടുക്കുക.

മുന്‍പ് സ്റ്റേഡിയത്തില്‍ പോയിരുന്ന് ക്രിക്കറ്റ് കാണുമായിരുന്നു. എന്നാല്‍ ആളുകള്‍ അതിലും എന്നെ വിവാദങ്ങളിലേക്ക് വലിച്ചിഴയ്‌ക്കാന്‍ തുടങ്ങി. അതോടെയാണ് ആ പോക്ക് നിര്‍ത്തിയത്. ഞാന്‍ ചെന്നൈ സൂപ്പര്‍ കിംഗ്‌സിന്റെ ബ്രാന്‍ഡ് അംബാസിഡര്‍ ആയിരുന്നു. ആ സമയത്താണ് എല്ലാ വിവാദങ്ങളും തുടങ്ങിയത്. അതോടെ ഐപിഎല്‍ ഞാന്‍ നിര്‍ത്തി. മാച്ച് കാണാന്‍ പോകുന്നതും നിര്‍ത്തി.

പിന്നെ വ്യക്തി ജീവിതവും കരിയറുമൊക്കെയായി ഞാന്‍ തിരക്കിലേക്ക് പോയി. സീരിയസായിട്ട് ഒരുപാട് കാര്യങ്ങളെനിക്ക് ചെയ്യാനുണ്ടായിരുന്നു. അതിനിടയില്‍ വിവാദങ്ങള്‍ക്ക് കൊടുക്കാനുള്ള സമയമില്ല. ക്രിക്കറ്റ് എനിക്കേറെ പ്രിയപ്പെട്ടതാണ്. അത് കാണാന്‍ തോന്നുമ്പോള്‍ ടിവിയില്‍ കാണും. ഇനി ഫൈനല്‍സ് കാണാന്‍ ആഗ്രഹിക്കുകയാണെങ്കില്‍ സുഹൃത്തുക്കളുടെ കൂടെ പോവാറുമുണ്ടെന്നും,’ റായ് ലക്ഷ്മി പറയുന്നു