ഡെറാഡൂണ്: എയര്പോര്ട്ട് അതോറിട്ടി മുതിര്ന്ന ഉദ്യോഗസ്ഥനെ ദുരൂഹ സാഹചര്യത്തില് മരിച്ച നിലയില് കണ്ടെത്തി. വിമാനത്താവളത്തിലെ ഔദ്യോഗിക വസതിയില് തൂങ്ങി മരിച്ച നിലയിലാണ് ഇയാളെ കണ്ടെത്തിയത്. മരണകാരണം വ്യക്തമല്ല.
ഇയാളെ കാണാതായതിനെ തുടര്ന്ന് ബന്ധുക്കളും സഹപ്രവര്ത്തകരും ചേര്ന്ന് വീട് തുറന്ന് പരിശോധിച്ചപ്പോഴാണ് കിടപ്പുമുറിയില് സീലിങ് ഫാനില് ഷാളില് തൂങ്ങി മരിച്ച നിലയില് കണ്ടെത്തിയത്.
എന്നാല് മരണ സമയത്ത് ഇയാള് സ്ത്രീകളുടെ അടിവസ്ത്രവും മാക്സിയുമാണ് ധരിച്ചിരുന്നത്. കൂടാതെ ചുണ്ടില് ലിപ്സ്റ്റിക്കിട്ട് പൊട്ടും തൊട്ട്, കൈകളില് വളയും അണിഞ്ഞിരുന്നു. ഇത് ദുരൂഹതയുണര്ത്തുന്നതാണ്. സംഭവ സമയത്ത് ഇയാളുടെ ഭാര്യ വീട്ടിലുണ്ടായിരുന്നില്ല. അവര് പിത്തോര്ഗഡില് അദ്ധ്യാപികയായി ജോലി ചെയ്യുകയാണ്.
അതേസമയം മുറിയില് ആക്രമണം നടന്നതിന്റെ ലക്ഷണങ്ങളൊന്നുമുണ്ടായിരുന്നില്ല. വാതില് അകത്തുനിന്നും പൂട്ടിയ നിലയിലായിരുന്നു. ആശുപത്രിയിലെത്തിച്ചപ്പോഴേക്കും ഇയാള് മരിച്ചിരുന്നു. സംഭവത്തില് അന്വേഷണം നടക്കുകയാണെന്നും ഉദ്ധം സിങ് നഗര് പോലീസ് അറിയിച്ചു.
