കൊച്ചി: കളമശേരി നഗരസഭാ പരിധിയിൽ ഡെങ്കിപ്പനി വ്യാപിക്കുന്നു. നഗരസഭയിലെ സൂപ്രണ്ട് അടക്കം 6 ഉദ്യോഗസ്ഥർക്ക് രോഗം സ്ഥിരീകരിച്ചു. കൂടുതല്‍ ഉദ്യോഗസ്ഥര്‍ക്ക് ഡെങ്കിപ്പനിയുടെ ലക്ഷണങ്ങള്‍ കണ്ടെത്തി. നഗരാസഭ പരിധിയില്‍ വ്യാപകമായി ഡെങ്കിപ്പനി റിപ്പോര്‍ട്ട് ചെയ്തിട്ടുണ്ട്.
ഇതിനകം നിരവധി പേര്‍ ചികിത്സ തേടിയിട്ടുണ്ട്. കൂടുതല്‍ ഉദ്യോഗ്സ്ഥര്‍ക്ക് ഡെങ്കിപ്പനി റിപ്പോര്‍ട്ട് ചെയ്താല്‍ നഗരസഭയുടെ പ്രവര്‍ത്തനങ്ങളെ ബാധിക്കാന്‍ ഇടയുണ്ട്. നഗരസഭയില്‍ ശുചീകരണപ്രവര്‍ത്തനങ്ങള്‍ ഊര്‍ജിതമാക്കി. രോഗലക്ഷണങ്ങളുള്ള ഉദ്യോഗസ്ഥരിൽ പലരും നഗരസഭാ പരിധിയിൽത്തന്നെ താമസിക്കുന്നവരാണ്. നഗരസഭയിലെ ഉണിച്ചിറ അടക്കമുള്ള സ്ഥലങ്ങളിൽ രോഗം ബാധിച്ച് പലരും ആശുപത്രികളിൽ ചികിത്സ തേടിയിരുന്നു.
രോഗവ്യാപനത്തിന്റെ പശ്ചാത്തലത്തിൽ മേഖലയിൽ ശുചീകരണ പ്രവർത്തനങ്ങൾ ഊർജിതമായി നടക്കുന്നുണ്ട്.
