ന്യൂദല്‍ഹി: ഭാരത ടെന്നിസ് താരം സുമിത് നാഗല്‍ പെരുജിയ ചലഞ്ചറിന്റെ സെമിയില്‍ പ്രവേശിച്ചു. ടൂര്‍ണമെന്റില്‍ ആറാം സീഡായി മത്സരിക്കുന്ന ഭാരത താരം പോളണ്ടിന്റെ കാസ്‌നികോവ്‌സ്‌കിയെ ക്വാര്‍ട്ടറില്‍ തോല്‍പ്പിച്ചാണ് മുന്നേറിയത്. നേരിട്ടുള്ള സെറ്റിനായിരുന്ന ഭാരത താരത്തിന്റെ വിജയം.
ജര്‍മനിയിലെ ഹെയ്ല്‍ബ്രോണ്‍ ചലഞ്ചര്‍ മുതല്‍ സുമിത്തിന്റെ തുടര്‍ച്ചയായ എട്ടാം വിജയമാണതി. ഇന്ന് നടക്കുന്ന സെമിയില്‍ സ്‌പെയിന്റെ ബെര്‍ണാബെ സപാറ്റ മിറാല്ലെസിനെയോ സെര്‍ബിയയുടെ ലാസ്ലോ ഡിജേറെയോ ആയിരിക്കും നേരിടുക.
ഇക്കൊല്ലം ചെന്നൈ ചലഞ്ചറിലും നാഗല്‍ മികച്ച പ്രകടനം കാഴ്‌ച്ചവച്ചിരുന്നു. നിലവില്‍ ലോക പുരുഷ സിംഗിള്‍സ് റാങ്കിങ്ങില്‍ 77-ാം സ്ഥാനത്താണ് നാഗല്‍.
പ്രതികരിക്കാൻ ഇവിടെ എഴുതുക: