ടറോബ(ട്രിനിഡാഡ്): പപ്പുവ ന്യൂഗ്വിനിയയെ തോല്‍പ്പിച്ച് ഗ്രൂപ്പ് സിയില്‍ നിന്ന് അഫ്ഗാനിസ്ഥാന്‍ സൂപ്പര്‍ എട്ടില്‍ കടന്നു. ഭാരത സമയം ഇന്നലെ വെളുപ്പിന് നടന്ന മത്സരത്തില്‍ ഏഴ് വിക്കറ്റിനായിരുന്നു അഫ്ഗാനിസ്ഥാന്റെ വിജയം പേസ് ബൗളര്‍ ഫസല്‍ ഫറൂഖിയുടെ ബൗളിങ് മികവാണ് ടീമിന് വിജയം നേടിക്കൊടുത്തത്. നാല് ഓവര്‍ എറിഞ്ഞ താരം16 റണ്‍സ് മാത്രം വഴങ്ങി മൂന്ന് വിക്കറ്റുകള്‍ കൊയ്താണ് വിജയമൊരുക്കുന്ന പ്രകടനം കാഴ്‌ച്ചവച്ചത്.
അഫ്ഗാനിസ്ഥാനെതിരെ ടോസ് നഷ്ടപ്പെട്ട് ആദ്യം ബാറ്റ് ചെയ്ത പപ്പുവ ന്യൂഗ്വിനിയ 19.5 ഓവറില്‍ 95 റണ്‍സെടുത്ത് ഓള്‍ ഔട്ടായി. ഫറൂഖിയ്‌ക്ക് പുറമെ നവീന്‍ ഉള്‍ ഹഖ് രണ്ട് വിക്കറ്റ് നേട്ടവുമായി മികച്ച പിന്തുണ നല്‍കി.
പപ്പുവ ന്യൂഗ്വിനിയയ്‌ക്കായി വിക്കറ്റ് കീപ്പര്‍ ബാറ്റര്‍ കിപ്ലിന്‍ ഡോരിഗ നേടിയ 27 റണ്‍സാണ് ടോപ് സ്‌കോറര്‍.
4.5 ഓവര്‍ ബാക്കിനില്‍ക്കെ മൂന്ന് വിക്കറ്റ് നഷ്ടത്തില്‍ അഫ്ഗാന്‍ ലക്ഷ്യം കണ്ടു. ഗുല്‍ബാദിന്‍ നായിബ് 49 റണ്‍സെടുത്ത് പുറത്താകാതെ നിന്നു. 16 റണ്‍സുമായി മുബമ്മദ് നബി ഒപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: