തിരുവനന്തപുരം: സി പി ഐയുടെ രാജ്യസഭാ സ്ഥാനാര്‍ത്ഥിയായി പിപി സുനീര്‍ മത്സരിക്കും. സിപിഐ സംസ്ഥാന സെക്രട്ടറി ബിനോയ് വിശ്വമാണ് സ്ഥാനാര്‍ത്ഥിയെ പ്രഖ്യാപിച്ചത്.
പൊന്നാനി സ്വദേശിയായ സുനീര്‍ സിപിഐ സംസ്ഥാന അസി സെക്രട്ടറിയാണ്. ഹൗസിംഗ് ബോര്‍ഡ് വൈസ് ചെയര്‍മാനാണ് ഇപ്പോള്‍.പൊന്നാനി, വയനാട് മണ്ഡലങ്ങളില്‍ നിന്ന് ലോക്‌സഭയിലേക്ക് മത്സരിച്ചിട്ടുണ്ട്.
കാനം രാജേന്ദ്രന്റെ വിശ്വസ്തനായിരുന്നു സുനീര്‍. സിപിഐ മലപ്പുറം ജില്ലാ സെക്രട്ടറിയായി പ്രവര്‍ത്തിച്ചിട്ടുണ്ട്.
അതേസമയം സ്ഥാനാര്‍ത്ഥിയെ നിശ്ചയിക്കാന്‍ ചേര്‍ന്ന യോഗത്തില്‍ ശക്തമായ തര്‍ക്കം നടന്നതായി റിപ്പോര്‍ട്ടുണ്ട്. ഒരു വിഭാഗം പ്രകാശ് ബാബുവിനായി രംഗത്ത് വന്നതാണ് കാരണം.
പ്രതികരിക്കാൻ ഇവിടെ എഴുതുക: